20媽媽小天地

3月２３日， Day 3

因為要趕及逢星期日 11 點既大型交班儀式，我地一早就出發去睇雅典競技場，　呢個係 1896 年舉行 "第一次近代奧運會" 既地方，好有氣勢，不過可惜不對外開放......同其他人一樣，我地都只可係門外影相！　

跟住入左國家花園，可能只係行左小部份，並無特別既地方.........不過雅典好得意既係.......周圍都種好多 "橙樹"，掛住一個個既橙，令我好想摘黎食！！　 我地 10:30 am 度已到國會大廈，個時已聚集左一大班等睇交班儀式既人．　國會大廈前係 "無名戰士紀念碑"，由兩個著傳統希臘服飾既衛兵看守，平時每一個鐘交班一次，而每星期日既 11 點就會係大型既交班儀式 !! 　有樂隊帶領，仲有兩隊 guard 護住旗隊進入．　歷時約１５分鐘，期間警察仲會停止馬路既車等交班完成先再放行．　衛兵既服飾同步法都好得意，確係個不錯既節目！

跟住經過幾個博物館，選入"拜占庭博物館"，唔知係咪 Sunday 關係，竟然唔駛入場費！　Yeah!! 慳番一百蚊！　下午時份開始好倦，又係時候返酒店休息吓........(我估我變得好地道，因為好似希臘人都有瞓晏覺既習慣.......）

瞓醒下午４點，天氣好好，心情都好好！　食住出名既開心果味雪糕，出發去 "古代阿哥拉"．　"阿哥拉" 係以前 "市集" 既意思，　除左買賣，仲係市民談論政治，文化既地方..........聽講以前蘇格拉底都係係度討論哲學！感覺好利害！　行行下去左好熱鬧既 "Coffee區" ，其實我唔知叫咩地方， but 勁多 coffee shop, 好多人好 hea 的"嘆啡" 同吹水，好熱鬧！！　

<超 Hea - Coffee 區"  >

我地夜晚食好 traditional 既 Pita 包，用包卷住肉類，係希臘好普遍．　而貴老爺就點燒羊肉串，羊肉好入味，好 Yumi !! 可能食開，我地愛上 "Greek Salad", 簡單的蕃茄，青瓜，洋蔥，加幾粒橄欖，用橄欖油撈，最尾加片 "Feta Cheese" (酸酸粉粉既味道).......好清新, 好好味！ 

<Yumi 的 Greek Salard 同 燒羊肉串 !! >

因為第日要一早 check out 坐長途車，我地早 D 返去執行李．　奇妙既事就發生喇！　 沖沖下涼，唔知邊下拉到條頸骨，令我右肩劇痛.......條頸梗左一樣，唔可以左右轉！！好痛！！　Oh God! Why Me !!!  本身身體已不太舒服，何必偏偏選中我?!?!?!  當下真的痛到想喊！仲有咁多日行程.....點算?!?!?　痛既情度令我覺得有需要睇鐵打，即使貴老爺幫我 "鬆骨" 同 "膚熱毛巾" 都唔得...................嗚...嗚.....當晚就係咁懷住 "痛苦既心情"入睡.......