Yeah~~~~~ 終於完成了 !!!!!!!!!!
其實一路都好擔心今次個馬拉松,因年假前一直都好忙,星期六,日又無空閒既時間 (簡單一句其實係懶!!) 到放假得閒 D 但天氣又咁凍,完全"的"唔起心肝去練跑 (懶就懶.......多多籍口!!),係無咩 practise 既情況下,我知道要自己跑 21公里實唔掂.................攞我命~~ 好驚!!!
今年係第一次將 10 公里賽 同 半馬&全馬分開地點進行. 我地跑半馬,地點無變同往年一樣,不過起跑時間係朝早7點. (好D,無以前咁早!! ) 又第一次將尾站改係銅鑼灣鬧市,俾好多人望住我地跑, 感覺超超超奇怪 !!!
由尖沙咀彌敦道起步
原先諗住無左 10 公里 D 跑手會少左好多人,但我地約 6:30am 去到時已人頭擁擁,原來據官方統計,今年共有 4 萬幾個參賽者,10 公里佔左 3 萬幾.............跑半馬&全馬的都有萬幾, 佔唔少呢 !!
我同貴老爺對今次既馬拉松都唔敢有 D 咩期望,但求完成到賽事唔好俾人車走 ..........整體黎講,狀態比上年遜色,但時間反而差不多,都在我們 target 之內,OK wor !!
今次比賽完左,兩夫婦暫時可以又懶下休息下了~~
***雖然跑完,但後遺症發作 ---> 坐低起唔到身,起身行路就拐下拐下...........痛~~~~~~
![](https://pic.pimg.tw/elaine407/1385514741-3118638579.jpg)