星期五晚約左同事 Sharon 一齊係 AMP 里面既 Baking Farm 學整蛋糕. X'mas 佳節, 今期主題係 "聖誕樹頭蛋糕", 主要材料係朱古力 mousse. Yumi Yumi !!
我地準時 7:30pm 去到, 阿 sir 已幫我地分好同等份量既材料, 佢將整個過程分3 part 教我地, 雖然蛋糕既難度係 3 粒星, 不過阿sir 教得好清晰, 做落並唔覺得難. 只要跟住做, 捉緊 D時間就 OK !!
全程原先好順利, 但在我來說就永遠都有 "意外"......原先已砌好的蛋糕好靚 (好彩影左相)...點知蛋糕同我一樣 --> 頭太大......阿 sir 準備幫我地"產"個蛋糕入盒時, 佢似頭重腳輕既姿勢"lum" 左 !!! Oh NO~~~~~~~ 我當堂尖叫左出黎 !!!!
唔係呀, 咁辛苦整咁靚竟然 "lum" 左 !!!!! 點算 !!!! 阿 sir 叫我遺有拆左個 "大頭", 換個個"細 D 既頭" 上去, 再補番 D cream, 樹紋同裝飾 !! 好彩, 最後都救得番, 對蛋糕影響不大 !!前晚冬至拎左去老爺屋企一齊食, 大家見到都話好靚, 仲好好味呢~~
<急救中..........>
大功告成 !!
全站熱搜
留言列表