大家有無食過位於佐敦既 "北京酒樓"呢 ? 原來呢間野好耐歷史, 我估都幾出名, 因"必定"要預先 "Book 位", 在場都幾多外國人黎食, 又有唔少人係度慶祝生日 !!
尋晚同班朋友係度食飯, 雖然佢位於佐敦鬧市, 但我之前就聽都沒有聽過.......(失禮 !!) 上到去佢既格局係好"中國傳統"酒家既味道, 可能呢個就係吸引老外既其中一個原因 !!
我地點左個六人套餐加其他小食, 睇落唔覺, 食落都幾多野 ga....有涼拌雞絲粉皮, 賽螃蟹, 片皮鴨, 鴨骨湯 (似冬瓜湯), 小籠包, 宮保蝦, 炒通菜, 高力豆沙....而我地另外再加左銀絲卷, 火腿津白, 水餃等等....D 野食味道都唔錯, 不過唔知係味傳統京菜既 style, 所有"麵粉"類既食物都"好夠粉", eg. 包片皮鴨既粉皮很厚, 銀絲卷又很大舊.....好似"麵粉"唔駛錢咁, 令人食 2 舊片皮鴨卷已很飽 !!
另外呢間酒樓速度很快 (包括落單, 上菜, 收碟....等等), 可能想做多幾轉吧, 我地 book 左 8 點枱, 到食完埋單都只係 9 點多....感覺有點兒"趕", 不過就真的一直都有人等枱 !! 大家如果有興趣, 都可以試下.....不過要準備現金, 唔收咭 !! 北京酒樓地址 : 佐敦彌敦道227號1樓
電話 : 2735-1316
全站熱搜