Mr. Gnu 朝早 7:30 就食早餐, 所以我地7點就要叫醒兩個小朋友喇~
簡單健康既早餐........
好味既香蕉乳酪......不過兩位小姐唔識欣賞! 媽咪賺左~
大家都話去北海道要食多D牛奶, 我地當然唔錯過啦~
食完野, 我地執埋行李.........就同 Mr Gnu say Goodbye 喇! 我地無影相, 因為後日會再返黎住一晚呀~~~
我地今日計劃去旭岳既, 不過時間尚早, 我地就先去附近既景點!! 先係呢度 - 日之出公園 !
日之出公園 |
空知郡上富良野町東1線北27號 |
Tel: 0167-45-6983 |
Map Code: 349 463 313 |
http://www.f-la.info/farm/hinodepark.html |
朝早風景好靚呀 ! 呢個位望十勝岳連峰, 好遼闊好遠~
呢個就係日之出公園既愛之鐘喇, 好似可以係度行婚禮, 好浪漫呢~~
眼都開唔到, 超曬呀!
穿過愛之鐘後面就出現一大片紫色既花田 !
一起心心 !!
係薰依草中間影相真係真係好靚架!!
叫予晴影相完全無問題, 反而樂程就叫極都唔肯入黎影.........佢話好驚蜜蜂呀!!!!!!!! 我話蜜蜂忙住採花蜜邊得閒理你呀!! 呢個樂程, tum 左好耐先肯影呀!!
嗱! 係咪好靚呢~
我地跟住就去左幻視藝術美術館...............可能好多人去富良野都係一心睇花食哈密瓜, 唔會諗過去呢度! 不過, 我地就覺得好好玩好有趣喇!! 睇花睇得太多的話, 呢個都不失為大小朋友既好選擇呢~
幻視藝術美術館 (深山峠アートパーク/トリックアート美術館) |
TEL:0167-45-6667 |
〒071-0508 北海道空知郡上富良野町西8線北33号深山峠 |
6月, 7月, 8月: 9:00~19:00 |
観覧車(摩天輪)&美術館共通券: 大人¥1,500, 小人(小学5年生以上)¥900 |
美術館入館料:大人¥1,300,小人(小学5年生以上)¥700 |
※小学4年生以下無料 |
美術館既外牆, 我都覺得好立體好型!! 哈哈~
左面有個摩天輪, 美術館可以買套票玩埋! 而我地就淨係參觀, 無坐摩天輪.....
美術館展出既全部都係平面圖, 不過畫得好真......視覺超立體呀~!!
每幅畫都有教你邊個位影最正!!
許氏一家同十二門徒 !!
係度影左好多相, 好得意........相信小朋友會鍾意呀~
差不多中午時份, 諗住去英瑛駅附近食午餐..........行行吓見到個花田幾靚, 又落車去行吓, 影吓相.........返黎睇返先知道原來呢個係菅野農園 !
菅野農園(かんのファーム) |
北海道空知郡上富良野町西12線北36号 美馬牛峠 |
0167-45-9528 |
MAPCODE:349-728-754 |
天氣熱, 又係得我一個行上去花田咋!!
佢地去左邊 ?! 咪就係里埋係屋仔度避太陽...........我返來仲叫我估吓一百円係呢度可以買咩?!
原來係呢樣!!! 哈哈哈哈~ 小朋友, 我地屋企唔需要再加添植物喇~~
菅野農園簡單的到此一遊, 跟住去開餐~
英瑛駅附近既火頭山拉麵........
唔客氣喇~~
emmm.....味道都 OK.....不過覺得麵身較硬呢~
每間拉麵都有佢既捧場客.........呢度都坐到 full house 架~
食飽梗係行吓啦! 去隔離美瑛選果度行吓~
佢有間餐廳, 如果未食午餐我地都會試吓!! 係度就睇到廚師們準備緊食物.......
美瑛選果............原本係賣當地食材既地方, 有米, 有奶, 有蔬果....., 應該好新鮮呢~!
我地跟住就上車, 去今日既重點 - 旭岳雪山!!
我地先去天人峽瀑布..........好想睇吓美麗既羽衣の滝!
天人峽瀑布 - 羽衣の滝 |
地址:北海道上川郡東川町 |
Tel: 166-82-2111 |
Map-Code:796-739-777 |
沿路去到天人峽溫泉酒店............想行去瀑布先見到欄住去唔到!! 有工作人員入去.............應該係維修封左呀~~~
只可以影到呢度......過門而不入, 好可惜呀!!
天人峽酒店外只見到急湍既河水........
無辦法啦, 我地只好回頭向旭岳方向行! 旭岳係北海道大雪山最高既山峰.................一年有九個月都係雪季, 只7至9月夏天時期融雪先比較適宜行山........
旭岳纜車 |
旭岳山麓站map code: 796-861-038 |
http://wakasaresort.com/asahidakeropeway/index.htm |
往復券, 大人2,900円, 小人(小学生)1,450円 |
去到旭岳山麓站, 有報告板同工作人員報告山上既天氣..........攞埋簡單既路線圖, 就搭纜車上山喇~
仙境嗎 ?! 我地究竟去緊邊度 ?!
高山空氣稀薄...........四圍都係朦朦朧朧的!
好快就到左纜車姿見站............一出黎就見到雪, 大人細路都好興奮呢~~.
旭岳真係一個驚喜呀!! 炎熱既7月天.........尋日仲食緊雪糕, 今日竟然睇到雪!! 尤其係兩個未去過落雪地方既小朋友, 雪地對佢地黎講真係好新鮮呢~!
呢度仲有高山獨有植物........
好有趣呢~
氣溫唔算冷........有D行山友會攻頂, 而我地就計劃行一個圈去姿見の池., 大概個多小時吧 !! 原本為佢地帶既羽绒, 好快就俾番我喇!!
貴爸, 你既拖鞋..................!!!!!
一路行, 開始見到唔同既"池"!
條山路算好行.........4歲予晴仔都應付到!
離開主道路, 有一條小溪流........... 應該係融化後流出來既雪水!
兩隻小鬼當然唔住又去"洗手" (定玩水?! ) 嘩, D冰水勁凍呀~~
呢度雪層好厚呢~
眼前白茫茫一大片既雪地~
又再見到得意既花卉~
呢兩個並排既係夫婦池, 大家互相倚靠呢~ ^^
鏡池..........差不多到姿見の池喇~
兩個開始唔係好想行.........爸爸, 出動喇!!
幾時都話, 女女係爸爸前世既情人...........
行行吓, 有樣野令兩個小朋友精神一震!!! 松鼠呀~~~~ 不過妹頭一嗌, 嚇到佢拿拿聲走人呀!!
跟住應該點行呢?!?
加油呀!! 好快就到, 我地一齊行呀~~
要經過呢條凍結左既"小河"
雪地好滑, 兩個開心到不得了!! Haaa Haaa
我地跟住去到噴氣口.....
仲好活躍咁噴緊氣呀~~
爸爸, 我又要咩咩~~
好快就到左姿見の池.........
敲敲大雪山既愛の鐘
我地跟坐就落番山喇~
落山時見到雲層將天空分為二層, 好得意呢~
好快就到姿見站, 全程行吓玩吓, 行左兩個鐘左右............跟住就搭番纜車去山腳!
可能係峽谷位........兩個發現呢個位講野有回音, 又興奮一番!! Haaa Haaa~
攞返車, 我地就去酒店了~
Grand Hotel Daisetsu (大雪酒店) |
071-1472 Hokkaido, Higashikawa, Yukomanbetsu, Japan |
¥33,767, 房價已包含早餐, 晚餐, 温泉 |
免費停車, 15:00/10:00前 |
換好浴衣, 影張全家幅先啦~
予晴, 影得唔錯呀!!
穿左浴衣既兩姐妹, 真的好可愛 ^^
我地跟住去浸旭岳出名既溫泉水......去酒店門口影幾幅相~!! 然後就舒舒服服地食晚飯~
唔客氣喇~
蟹係自助形式.........要食幾多, 自己攞~
唔算多野食, 不過夠喇!
食飽係房度睇吓電視, 無聊
p.s.: 大雪酒店
基本既 Tatami 房間~
welcome 的小食, 又幾好味喎~
已準備了大小人既浴衣, 毛巾........
又係小小既浴室, 我地當然係去大浴場啦~