20媽媽小天地

上星期六, 天朗氣清 -- 唔係, 直頭係炎炎夏日 !!  成 35度高溫, 我地走左去大埔 - 愛丁堡公爵訓練營. 因 Yan Yee 之前已 train 過做繩綱陣導師, 所以我地好容易就 book 到繩綱陣做今次既訓練.  今次一行 15人 - 包括導師 Yan Yee 同 Carmen.

一朝早大家好認真咁聽講解 -- 因活動有危險性, 安排裝備要做足 !!

 

   Carmen 示範 !!

 忙裡偷閒

 呢個繩綱陣有

第一關: 每邊一條鋼索, 每隔某段距離會有繩作扶手之用, 但實質須靠partner 互相扶持.

第二關: 木板橋, 有些木板距離很闊, 須用"跳"才過到. 但要"跳"個下真的好驚!!

第三關: 天梯 - 兩邊的木板距離又係好鬼闊 !!

第四關: 平衡木行鋼索  -  呢個必須要好齊心, 好集中精神 !!

最後一關: 馬嬲繩  -  咩都無, 只有一條繩, 自己諗辦法行過鋼索!! 最難!!

我今次只玩左4 關, 其實只要開始左第一步, 及以"死就死啦"的心態去玩, 就會感覺到呢個 task 既刺激性同所要帶出既 message. 要過關其實都唔係咁難, 只要"定"同對自己 & 同伴都有信心, 就可輕易過關 !!

臨走前梗係影番張大合照先~~