尋日跟大隊參觀了壁屋監獄   ~~  一個沒想到會有機會去或認識的地方.

壁屋監獄, 位於新界西貢清水灣道 397 號.  係觀塘搭入西貢既小巴, 不用 20 分鐘便到達，係一個比較近市區既監獄.  原來壁屋監獄分收男性成人既監獄同男性青年既懲教所，我地主要是參觀懲教所部份．　懲教所收由 16 至 21 年歲已定罪犯人同還押犯人 (犯事待判還押犯人刑或待轉介其他機構), 可容納共 380+ 個青年犯人，但現時有一半以上在內都監禁的都還待判既押犯人!!

我地一入去，便已感到

"重門深鎖" "保安 super 嚴密"既感覺．有很多閘門，每每要職員開鎖才可進入另一地方....內部環境並唔係我想像中咁 "黑暗"，里面很光猛, 青年犯人分開左唔同地方活動，有的在上堂，有的在廚房煮食，有的在踢波/打籃球.....另懲教所好重視犯人既 "更生" 事務，佢地提供左好多技藝訓練，例如木工，家居維修，電腦修理，商業課程等 --> 希望佢地重投社會之後可以有一技之長，再被接納.......青年犯因失去自由，所有行為被監視，反而變得很 "紀律"，　我地每去一個地方，職員都會問佢地有無要求/投訢，佢地都會都大聱好整齊咁回答 "No sir, Good Morning Sir!"....有點似我地的 cadets....

今次參觀，用了 2 個多小時，因保安嚴密我地唔可以帶相機,電話，或任何通訊設備，所以影唔到相 (只有大會最尾的大合照)．　但今次我地問左好多問題，大家都對呢 D 知識好有興趣.....而且亦令我對懲教署加深左認識, 唔再係咁神祕!!!

arrow
arrow
    全站熱搜

    Elaine 發表在 痞客邦 留言(4) 人氣()

    E-mail轉寄