20媽媽小天地

Boxing Day, 一早同小馬騮係太子飲茶. 原本諗住落埋訂, 不過經理又話傾緊婚紗展既 promotion, 令我地又心癢癢!! 而家違有先 hold 日子, 有人同日就通知小馬騮 confirm 同俾 $$.  

夜晚約左我 D 好姊妹一聚, 係飛機 Bar (Herpa cafe). 我幾鍾情呢間餐廳, 環境又好, 氣氛又relaz, 肥梳化又坐得舒服, 係三五知己吹水既好去處!! 話耐唔耐, 原本我地數數手指都識左16年 (少玲, 海茵較短, 不過都有11年了....), 真係光陰似箭!! 不過, 唔知係咪時間無係我地身上久留....大家一直都無大變, 如果剪番東茹頭, 肯定同 F.1 個陣一樣樣!!  

一群埋班朋友, 就不自覺地"雞叼唔斷".....開心既時間就過得更快!!  個晚阿莉話我們之前提出要準備禮物交換, 佢仲特登去買了禮物返屋企包........不過, 我地大家都 "R" 晒頭, 因為無人咁講過, 亦無人有此準備!! 都 Boxing day, 仲交換禮物 ?!?!?   阿莉堅持要我地自掏腰包....點都要搵 D野黎交換!! 率之, 出現了以下4 份最無理頭既禮物:

Elaine: 食過既蜜瓜味 Extra + 迪士尼濕紙巾2張

海茵: 紙鶴一隻 + 花旗參茶1包

少玲: 大口仔膠布 (頂多得2張)

Tina: 火柴人 pin

大家以很爛的方式抽籤，以不抽到自己個份為原則..........最後，我帶了小紙鶴同花旗參茶返屋企 ........而Tina 就成左大贏家!!!!!! (Tina, 你就好啦~~)