20媽媽小天地

望穿秋水, 終於到左放低工作去旅行的日子~

我地11月9日早上11:00點香港航空既飛機, 點知航空公司竟然係早一日打電話黎, 話航班將會延遲10分鐘至11:10 !!! 10分鐘 ?!? 遲10分鐘特登打電話黎通知 ?!  我有點心感不妙....因為香港航空出名 delay 的 (聽講有d遲左幾個鐘?!).......唔通到時會遲好多 ?! 點算好 ?!

我地準時到達機場, 幸好.......飛機真的準時11:10起飛, 為左呢10分鐘打電話通知, 抵讚抵讚!

忙於check in 的三位小姐..................

沖繩, 登機口28, 呢個位very good, 因附近有地個俾小朋友玩, 唔駛係機口呆等~

3個半鐘既機程, 我準備左足夠既零食俾兩姐妹, 妹頭自顧自既睇卡通片, 可以唔駛理佢! 係予晴會攪攪震, 我想睇套戲都難.....

我地有四個位, 又有位伸腳, 真 lucky !!

一落機出左海關, 已見OTS 既工作人員舉牌示意, 負責講解既係講國語既女仔, 都很清楚的! 跟住就搭佢地既 shuttle bus 去OTS 公司辦理租車手續. 另外, 最重要就係買埋有 discount 既入場卷......

OTS, 因之前上網已order 左, 去到只須確認D資料, 俾錢, 再一齊 check 車, 就可以交低車匙俾你, 很方便! 即使用簡單英語溝通都無問題~

我地攞左車後, 首站係中部既美國村, 車程要個多小時, 而且要熟習路面, 慢慢行.....最緊要安全第一!!!

去到美國村都已經六點左右, 早天黑, 因為予晴係飛機度都無咩點食野, 所以我地第一時間搵地方泊車醫肚先!! 美國村夜晚很熱鬧的, 周圍都有野食, 我地揀左間近近地既回轉壽司~

食完野, 我地周圍行吓, 影吓相~

 <---兩姐妹, 好可愛

日本人很叻的, 周圍都是限定版......有買趁手呀~~

Orion + Tomato Juice ?!? 飲完會變 Red Eye, 你而敢試嗎?! 

噢, 你都來了沖繩 ?!

妹頭一直嚷要食雪糕.......OK OK !!

得賞所願......睇佢地個餵食樣就知好味啦~~

很有型的長樓梯....

呢個就係地標喇~

我地酒店就係美國村內, 可以慢慢行番去.......

p.s.: 酒店10樓有免費浴場, 分男湯女湯, 我帶埋妹頭去浸, 熱騰騰, 超舒服的!!!