20媽媽小天地

11月10日, 瞓飽, 天氣超好!! 

係我地房望出去既view  -  對住 Sunset breach, 嘩~ 很靚呢 !! 呢個係人工沙灘, 好出名睇日落的! 可惜尋晚到英國村時太陽伯伯已落山了.....只好留待下次有機會吧!

很開陽的景致~

叫醒兩位寶貝, 執好行利, 起程!!  題外話: OTS 既車, 我地兩大兩細, 加一個大喼, 一架BB車, good fit !! 

呢個GPS, 有普通話同英文, 好清晰易用...

我因為係網上book 酒店, 無包早餐....所以幾個朝早都會係便利店度買麵包牛奶做早餐, 邊開車邊食, 慳時間, 很方便!!

唔駛半個鐘頭車程, 好快去到琉球村, 一個反映古時琉球文化既集古村!

門口入面有D小攤檔, 妹頭見到D"珠寶"唔捨得走呀~~

里面有一間間既屋仔, 有D人在做工藝......不過地方比我想像中細,原先諗住係度留兩個小時左右, 原來無咩野玩, 除非你想玩手工藝, 例如油吓風師爺, 如果唔係, 行個圈, 睇埋表演已經可走人~

 <--樹屋, 唔知可否俾人上去呢 ?

妹頭同不同既人都可溝通........

我地遲到左, 錯過左10am 既太鼓表演, too bad ! 不過睇到出巡表演都唔錯.....

很有型的旗手....

傳統舞蹈, 我地唔識欣賞...Hee Hee.....

呢個大叔好好笑的....

中間會邀請遊客出去一起跳, 我地都去攪笑一番~

表演完仲有得合照, 哈哈~

沿途離開有個做陶藝既地方, 做左好多可愛既風師爺....

予晴: 家姐走喇, 推你丫~~

約20分鐘車程, 下一站, 我地去左呢度 -  海中展望塔

第一眼望到個沙灘, 加埋大太陽, 藍天白雲, D沙白到刺眼......嘩!! 好靚呀~

沙很幼很軟綿綿......水很清很清.......

好美既一幅畫~

我既model.......好曬呀!!!

呢座就係陣間去既海中展望塔喇~

其實可以直接行過去, 都係10分鐘路程左右, 不過太曬了, 我地都係選擇搭 suttle bus......大概20分鐘一班車

呢個小朋友堅持要坐頭位!!

落車後有條橋連接的, 呢個都係很好既影相位!! 提醒, 小小朋友要拖實呀~

沿住螺旋樓梯落去展望塔底部, 就會出現一個個藍色圓圓既窗口, 感覺有d似去左潛艇….地方好細, 主要係睇細魚, 珊瑚, 烏前個頭望住d魚仔游來游去, 對小朋友黎講都幾得意的! 佢有連埋水中玻璃船既套票, 不過我地無去, 相信幾好玩的!!

有兩個窗口特登圍起左幾條nemo仔, 好可愛~ 

直頭俾左相機妹頭自己影, 不亦樂乎~

我地跟住揸車直去名護我部祖河食堂食lunch, 呢間係比較地道既店舖, 食沖繩麵的!! 我地問職員攞menu….sorry, 無架! 直接睇牆上掛牌落order…..吓!! 我地隨便叫了肉同野菜, 因為只識睇呢幾個字, 哈哈哈哈!!

麵要大size, 送一碗有味飯, 這個份量以一個大人一個小朋友剛好! 沖繩麵比較粗, 很易飽肚, 幸好兩位小姐都喜歡食麵, 而我自己就麻麻地沖繩麵, 叫試過啦~

很有份量的麵~

唔客氣喇~

小插曲: 到日本有得選, 我都會選坐榻榻米的…..今次我部祖河食堂是坐蓆地的榻榻米, 係我食麵途中, 我見到有隻大曱甴走出來, 嚇到我極個人跳起左, 心都離一離!! 最後都係拿拿聲食完, 速逃!!