20媽媽小天地

妹頭學校返 9點 - 12點...因為要趕返工,而學校只係 8:45分先開門俾小朋友入學校, 所以我要趕8:45分送到學校然後速閃.....但係返左一個月, 可以咁準時只係......一隻手都數得晒 !!

如果淨係得自己, 梳洗出門口只係幾個字既時間.....但係對住小朋友, 真係自己點快都無用, 你急佢唔急.....仲以為你同佢玩 tim !!! 激鬼屎 !!

特別係頭個幾日, 真的趕到顛左 !! 我預呢位許妹頭小姐八點鐘起身 (我想佢盡量瞓多D, 唔好太早醒!!), 但係......淨係"鏟"佢起身都用左最少15分鐘 !!! 妹頭, 係咪咁眼瞓呀 ?!? 合作 D 好喎 !! 之前平日約晚上10點上床瞓, 唔知係咪瞓唔夠, 真係叫極都唔起身, 好難攪 !! 我後來提早9:30分就的佢上為床瞓......果真效果好好多, 而家嗌幾嗌就醒, 又精神.....不過得個兩歲人仔佢會話 " 我想瞓多一陣先" !! 笑屎我 !!

叫醒左就同佢痾 shu shu 同擦牙....唉, 擦牙呢一環節又就對我EQ既大挑戰!!! 好似同佢玩咁, 叫佢 boo 水又唔 boo, 個身又扭扭擰擰, 唱擦牙歌又係度搖搖吓, 擦吓唔擦吓.....最大問題係你知個鐘不停咁行, 時間好緊迫唔等人呀........真係次次都要軟硬兼施先得 !!

擦完牙我就開支奶俾妹頭飲, 佢當然乖乖係床飲晒為止啦~~ 咁我就趁佢飲奶時幫佢換定襪褲或運動褲, 飲完奶就即刻換埋上身校服 !!  好喇, 攪掂著埋鞋要出門口喇 (時間約8:40分, 真係安排得唔錯呢!!), 妹頭竟然話要痾 poo poo 囉 !!!!! Oh No !!! 妹頭點解你唔遲唔早係要係咁緊急既時候痾呢 ?!?! 唔通唔俾佢痾咩 ?!?! 無可能架麻 !! 等佢痾完出門口都45-50分喇.....落到樓下我又要抱佢快步走先得喇 !!!

磨合左一段時間, 我而家慢慢夾到妹頭D時間, 但仲係要趕趕趕呀 !!!  不得不概嘆: 媽媽真利害 !!!

12月7日朝早, 因妹頭瞓覺轉轉轉, 當日既頭髮飛起晒....呢幅相已經係好左, 不過都仲係好唔聽話.....

媽咪: 嘩, 妹頭, 你瞓到 D頭髮飛起晒, 好似一隻公雞呀~~
妹頭: 係呀......(雞叫) 咯咯咯咯~~
我即時大笑 Haaaaa.......Haaaaaa.........