剛個禮拜六日, 參加左由貴爸公司舉辨既長江水世界兩天團.....每位四百幾蚊凡有得食有得玩有得住, 好抵呀~
星期五晚執定野, 星期六一朝早我地就要到羅湖集合喇.........我地係跟美食之旅既行程,而爸貴今次係公司既代表呀~
全團38人, 坐住好新淨既旅遊巴, 浩浩蕩蕩出發~~
我地經虎門大橋入中山.......車程約兩個多小時 ! 跟住先去食午飯.......唔記得影底食店名 tim....
午餐好豐富........(其實餐餐都好豐富 !!!), 不過如果多d蔬菜少d肉會更好!!
飯後既西瓜好甜好食呀~~
好飽的一餐, 準備去玩!!
跟住就係呢個團既重點 - 長江水世界
導遊幫我地準備晒飛, 可以玩得好舒服!! WE ARE READY~~~
入去有一大排 locker, 租 locker 佢會俾鎖匙同一個防水掛筒俾你, 方便你放少少錢入場租水泡或者貫零食用既!!! 我地換好晒泳衣, 拿拿聲搽防曬, 因為太陽高掛, 好怕變黑炭呀~~
GO GO GO!!! 我地去玩喇~~~
樂園中心係好大形既玩水設施, 有幾條滑水梯.........每條都有工作人員看守, 安全的!
兩個小妹妹好開心呢~~
又有d俾小朋友滑既....都有工作人員睇住呀~
好可愛 Haaa haaa~
佢有條漂流河, 可以俾人租大水泡玩, RMB30 按金, RMB20 租金~
我地走喇~~
係咪好嘆呢?! 哈哈~
呢個係人做浪既泳灘, 佢每隔一段時間會做浪........坐上水泡拋拋吓幾好玩的!
另外有大水泡滑梯 (呢個可惜無玩, 因為雙人水泡一定要兩個人滑, 我地只好放棄啦~), 其他仲有五彩天梯, 噴泉區等....都好好玩呀~
玩到5點幾差不多6點..........沖埋涼出來影相 !!
我地起程去食晚飯 - 林場飯店.........好近, 只須十幾分鐘車程!!
天氣熱, 玩到攰, 我地梗係要啤啤佢~~
Cheers~~~~
我地坐底左等左一陴子都唔見有野食, 覺得好奇怪! 因為就算未煮好都無理由一碟都未上枱架 ?! 等一陣間就見到幾個人一齊抬個大盤入黎!!!!
嘩!嘩!嘩! 好興奮, 個個嘩聲四起~
原來要食物齊先可以上枱, 唔怪得啦~
呢個"盤菜"好有份量, 好勁呀!!! 味道唔錯呢~~
個盤究竟有幾大?! 就係咁大喇~
食完飯出去影幅相, 飯店有個自己既小魚排......(魚確實幾好味的!! )
環境都唔錯架~
跟住就返酒店了! 中山京華世紀酒店........地下大堂放了個超大月餅!!
房間好闊落乾淨.......
12樓望落去既中庭
酒店地段很旺, 有商場, 有食街, 好多野食!! 我地落街行吓, 去超市買野飲, 一樂!!
十點幾, 兩隻小鬼沖涼玩水, 跟住就的上床瞓喇~
第二朝, 酒店自助早餐……..
貴爸朝早係酒店泳池游過水, 佢話1.8米深, 小朋友唔好去! 我地去睇過, 個池好普通好細……我地之後走左去健身士室….攪攪震!!!
兩個妹妹做運動, 好攪笑! 哈哈~
大概11點我地就離開酒店喇~
第一站, 先去飯店食午餐! 吓, 剛食完早餐無幾耐, 咁快食午餐!!!! 我地幾個都仲好飽呀……只好食多d蔬菜水果!
今餐有石岐出名既乳鴿, 都幾香架~
我地之後上巴士去左個果園叫 “神秘果園”!!! 原來果園係種植”神秘果”既………我未聽過, 究竟有咩咁特別呢?!?
我地坐底後, 工作人員每人派一碟………..上面只有一粒紅紅的神秘果同一片檸檬!! 好奇怪呢~
每人得1粒!!! 好攪笑 ^^
點食法呢 ?! 原來檸檬係用來試味既……..我地一開始味雷先感受檸檬有幾酸……..跟住就食粒神秘果(食中間既肉, 核吐出來), 然之後再試食片檸檬……
嘩! 檸檬變甘甜了, 一d都唔酸, 真的好神奇!~
回來仲特登上網google一下” 神秘果”, 原來係有益既東西, 真的有眼不識泰山呀~
試完神秘果, 又食左其他水果, 飲左蕃石榴茶, 跟住又起程向最後一個景點進發喇!
南沙十四涌海產市場……..
係一個好多攤位既魚市場, 有各種不同既海產, 好多當地人都係個度買海鮮!! 如果午餐或晚餐係度買完去附近飯店即煮就正囉~~
隔離有一行長長既海味乾貨……….
好多超大條既咸魚 !!
另外又有一行長長既水果攤檔....
離開十四涌, 我地巴士就向關口進發, 為呢個旅程畫上句號…..
今次兩日一夜既行程好豐富好好玩, 讚呀~~
留言列表