冬天涷涷地, 最正就係浸溫泉了!!!
1月16,17日, 樂程又剛好考完試, 我地跟左貴爸公司攪既河源御臨門溫泉兩日一夜團去玩....
成個團有近50人.....一朝早係深圳集合上車 ! 今次個旅程好簡單, 先去深圳既觀瀾版畫村, 跟住到惠州豐渚園.....最後就係主角御臨門溫泉度假村!!
版畫村, 係客家人既村落....
一間間復古既屋仔, 影相幾靚架~
我地既領隊哥哥, 兩個妹妹好喜歡同佢玩呢~
古典屋仔內是另一天地......
要爸B說故事的予晴~
版畫.....反而無認真去一間一間睇!! 只因避雨先剛好入左來....哈哈~~
午餐去呢度............老車田食府
客家菜, 尢其個豆腐, 好滑好好味呀~
酒樓出面有婚橋擺設, 兩女見到好興奮要影相呀~~
嫁女!?! Haaa Haa~
跟坐上番車, 向惠州豐渚園進發!! 豐渚園係惠州西湖既一部份, 古色古香, 好優雅呢~
樂程伸出手扮餵野都引來超多錦鯉.........
文昌閣...........努力讀書呀!!
好可愛的三父女 Haaa Haaa~
中國風的亭台樓閣, 係咪好靚呢~
呢個係出名既龍吐珠....
予晴影相手勢唔錯呢~
小龍女?!
我的小模特又來了~
離開豐渚園.....最後就係御臨門溫泉度假村..........
佢既賣點係充滿巴厘風情溫泉鄉......大家feel 到嗎?! Haa haa~
我地係酒店房先放低行李, 周圍行吓~
園內好多大象擺設, 有大有細的!! 予晴見到BB size 既小象, 覺得好得意, 好開心呢~
呢隻係超細既 baby~
我地沿路行去泉眼睇吓......
熱氣騰騰呀~
仲有陣陣既硫黃味.......
溫度好高, 小朋友要小心呀~
食晚飯前, 領隊教我地一齊做八段錦..........身旁有兩位小助教!! 一齊做運動, 又健康, 我覺得幾好呀!!
我地之後係度假村內食佢出名既"五指毛桃客家宴"
食完飯我地去玩之前係出面買既煙花.............兩個妹超開心呀!!!
我同爸爸都變左小朋友, 好開心呀 !!
我地夜晚換好泳衣去浸溫泉........有好多個唔同既泉可以浸, 兩個女玩到唔捨得走呢~~
浸完溫泉真的零舍好瞓!! 疲勞盡消呀~~ 第二朝瞓飽先去食早餐......
食完早餐.......拿拿聲換泳衣浸多次先!! 日頭夠光.....可以影D靚相!! Hee Hee.....
入溫泉區就要經過呢條長長既木橋.....予晴有D驚, 一步一步行得超慢 !!
Shu~~~ (我地搵D細細側邊既池偷影架咋.........!!)
好開心呢~~
中間是個大大的溫泉"泳池" !! 因為差不多接近 check out 時段, 所以周圍都少人呀~~
ch
又來我的小模特兒....好可愛 Haaa Haaa~
小模特兒1 號
玩到中午...我地就 check out 上車離開 loo~~
御臨門溫泉度假村都幾正的, 環境舒服, 又好玩......係路程遠左D, 要坐幾個鐘頭車先到, 不過都係要有番咁上下距離先可以有咁大咁靚既地方!! 推介呀~~
房間一覽 - 房很大.....用木做傢俱, 感覺很舒服...
床竟然夠我地四人瞓!!!!
每房都有露台.....
洗手間很明亮乾淨.........
留意.......洗手間D水, 全部溫泉水來架!!!
留言列表