20媽媽小天地

我地係朝早10點既機, 預計8點鐘機場, 朝早7點前要 check out 離開酒店!

原先計劃是搭 air train 直接到機場, 車程半個鐘左右………點知我地朝早上網check 交通資料時, 發現沒有任何地鐵火車資料, 原來是日進行大型維修!!!!!!  Oh NO~~~~~~~~~~  唔怪之得我地尋日係 The Rocks 回酒店時, 見到地鐵關上了閘門, 仲覺得好奇怪點解無地鐵搭!!  嘩~! 真係臨尾一刻都要俾d驚喜 (考驗?!)我地!!!!!!!!!!    首先, 我地要冷靜!! 好彩我地預鬆了時間, 我地 check out 時, 同時問了 reception 有咩車可以搭, 佢地幫我地 check…….有臨時的機場巴士, 係xx站 (我都唔記得了) 附近…….我地有小朋友有行李, 不可能行去搭巴士轉車, 我地只好搭的士去xx站, 見到人排晒隊等上機場巴士便安心了!! 只見兩三條隊排左好多人, 仲有大大細細既行李….我相信好多人同我地一樣臨時先知有咁既情況! 嘩! 真的緊張死了!!   雖然搭的士貴了, 不過呢種臨時安排的機場巴士唔駛收費, 所以我地無俾貴左…..只不過係有三張入左錢既Go Card @@, 遺有留番第時有機會時先用了!!! 

我地去到機場, 澳航原來是自助 check in…….自己印機票, 自己寄行李, 好有趣, 真的第一次呢! 不過對於一d唔識”攪機器”既人黎講, 就真的煩死了!!

對我地黎講, 當然無問題啦!! Bye Bye 喇行李~~~

上飛機喇~~

8,9個鐘既機程, 睇電視, 食野, 睇電視, 食野, 好快就到了!!  回程機尾段, 妹頭遇氣壓唔舒服, 好頭痛又喊又嘔, 慘呀!! 

順利返到香港了~~

綜觀今次既旅程…..好好玩! 澳洲俾人既感覺好舒服, 好啱小朋友玩, 尢其是黃金海岸 (可能是以旅遊為主吧)…..大人小朋友都唔捨得走呀! 澳洲好大, 我地仲有好多地方想去, 真的好期待呢~ 

今次玩既多, 買既少, 主要都係去超市掃薯片, 用來做手信, very good 呀! 哈哈~