20媽媽小天地

一路煮野食, 梗有隻小鬼係度攪攪震!!

好味早餐話咁快有得食~!

食過豐富既早餐, 我地就執野check out……雨一直下, 一直下……點算呢?! 個天唔似會停雨, 無理由係YHA無了期咁等架! 我地決定照行程去Wentworth瀑布睇吓……..不過最後真的有d後悔做左個錯誤既決定!!

我地先搭巴士到Wentworth.....

天氣凍, 呢個小朋友在"呵氣"...........@@

到Wentworth, 司機在路邊停底我地, 不過佢就叮囑我地呢d天氣瀑布睇唔到d咩野……巴士走左, 只見四野無人, 心有點不妙!  　前路茫茫呀~~~

我地跟住沿住條大馬路一直行……..不過條路好長, 好似無盡頭一樣!!   因為落住雨, 我地步程好慢, 幸好兩個女孩子都算合作, 很努力的配合…….不過望住行唔完既路, 大家都有點沮喪! 好似行左一個小時有多…..我地終於去到觀景臺, 亦都終於有d人氣............個心都舒服D!!!

不過望出去, 完全是白檬檬一片, 聽到有明顯既水聲, 但面前咩都睇唔到囉~~!!! OH NO~~~~~~~ GOD !!!!

.

天雨關係, 此地不宜久留……..我地要離開向Wentworth火車站進發, 不過又係一條杳無人煙, 沒完沒了既路!!! 唔好講小朋友, 連大人都真係好唔想行呢~

我地好好好唔容易行到去火車站了, 大概下午兩點鐘, 先係火車站食我地既午餐….睇睇個時刻表, 要差不多一個小時先再有火車由Central開去Katoomba, 無辦法, 只好係度等!! 貴爸全身濕透, 人又冷, 好彩站長見我地咁等法, 拿拿聲叫我地入去候車室度, 開大個暖氣俾我地, 真的好好人!!   我地個人暖番, 吹番乾d衫, 成個人都舒服番晒!

係候車室見到瀑布既樣, 應該係咁靚既!!!!!!!!!!!

番到Katoomba大概三點多d, 我地決定搭早一班既火車回 Central. 為左行動快d, 貴爸自己一個回 YHA 攞行李, 而我就同兩個小妹係火車站到等! 我地係火車站外影吓相....

火車站里很靚既壁畫.......

Model 上身 !! Haa Haa~

個天清晒, 雨停晒, 吹脹~~

爸爸返黎, 我地可以起程喇~

兩個多鐘既車程, 我地都約周公休息吓喇~

雨過天晴, 係車上仲見到彩虹 !!

返到悉尼市中心, 一粒雨都無了, Yeah!!

我地返回PARKROYAL酒店, 沖個涼, 跟住就去Harbourside既分店度食出名既 Pancakes on the rocks.......兩隻小鬼係酒店先來個甜品先!!!!!

Pancakes on the rocks 有幾間店, 不過呢間近我地!! 一坐底, 侍應先送來畫筆畫紙俾小朋友~

故名思義, 以 pancakes 為主!!

我地叫左兩款 pancakes 同一個 pizza …….都幾好味架!

係咪流口水呢!?

意料之外, 幾好味的 pizza !!

我地之後又去返食 yogurt...........

你兩個咩肚來!!!  又食?!?!??!  

P.S.: 今次好可惜沒有機會去行吓出名靚既Leura小鎮, 如果有機會再揀, 呢d煙雨迷濛既天氣, 我一定會去 Leura, 行吓精緻既小店, 坐係coffee shop hea 吓, 懶理佢出面咩天氣呀~~