連續幾日落雨, 尋日難得好好天, 我地下午就帶埋帳篷, 帶埋風箏同兩隻小鬼一齊貢去大坳門郊遊~
一路行一路認識吓大自然 ^^
我問佢地樹木幾多歲............樂程就好認真的數樹木的"年輪"!!
係路上發現毛毛蟲呀~~
去到郊野公園, 風景好靚呢~
家姐, 我幫你影幅靚相! 望呢面, 笑~
家姐, 到你幫我影喇~~
我地約3點度到..........都有好多人係度努力地"放風箏"...........不過, 在場一粒風都無, 大家即使努力, 都無咩風箏可以成功飛起黎!!!
我地搵個地方放好帳篷, 貴爸就攞埋風箏去大展拳腳喇!!
風箏..........加油呀~~
天時, 地利, 人和.......係成功既三大要素 !! 放風箏一樣呀.............一d風都無, 風箏完全飛唔起呢!! 貴爸一直努力都唔成功呀...........
兩個女呢 ?! 懶理我地, 一早走左去同附近一家人既狗狗玩喇...........
兩隻小狗好可愛, 又唔怕人, 俾兩個小朋友又拖又抱都無反抗!! 予晴超喜歡呢 ^^ 話要帶佢返屋企同佢瞓喎...哈哈~!
我地5點半左右執野走人.......予晴真的要帶狗狗返屋企, 唔肯放開狗帶呀 -____- !!! 只好同佢一輪解釋, 要同狗狗分開, 佢好唔捨得呀, 眼淚大大滴咁喊左出黎.........好可憐不過又好可愛, Haa Haa !
抱狗狗好似抱baby 一樣!!
妹頭本來係怕狗的.....可見兩隻狗狗超乖超純~
不過呢個小妹好快又被雪絛 tum 返喇~
透心涼, Yummy~~
今次放唔成風箏, 只好留返下次喇~
留言列表