20媽媽小天地

今年因為工作太忙, 旅程之前既準備功夫做得不太好, 好多野都唔係好清楚……好彩首爾上網同地鐵都好方便, 去到即時 check 都無問題. 

航班

我地今次搭既係挨塞俄比亞航空, 當然因為價錢平啦, 不過而家飛首爾既航班越做越平, 超多選擇呀!!!  航班由挨塞俄比亞飛首爾, 中途站停香港………….我地上機時, 大部份挨塞人已坐左好耐機, 機艙焗住有D味, 又一對對大眼睛望住你入黎, 感到渾身不自在呀!!! 好彩回程時班機好少人, 我地又坐最前, 一D都無問題! 不過下次有機會再黎都係唔好揀呢D機…………但係佢有度好, 就係每人有成四十幾 KG 行李, 仲要不計件數, 開心買完成箱 pack 上機都無問題, 係咪超吸引呢?!

T-Money

好似香港既凡八達通咁, 買左張咭, 再入錢, 可以搭車, 買野, 好多地方都用得. 有朋友借左張大人同小朋友咭俾我地, 我地自己再買張大人 T-Money 就得. T-Money 係機場既便利店 eg GS25, 7-Eleven, CU 已經可以買到, 我地主要用黎搭車, 無概念要入幾錢, 先入住大人20000 won, 小童10000 won. 後黎知道每程地鐵太概千幾won…………我地張咭唔夠用, 不過係地鐵站或便利店都可以增值, 好方便.

予晴6歲以下, 所以搭地鐵唔駛錢!! Good Good.

酒店

我地今次全程住新開既九樹2酒店, 佢雖然離地鐵有 5分鐘步行路程, 不過因為新, 我地都好喜歡. 佢離明洞商圈大概15分鐘路程, 我覺得都算方便的.

首尔明洞九棵树酒店Ⅱ

(나인트리 호텔 명동Ⅱ / Nine Tree Premier Hotel Myeong dongⅡ)

地铁3号线乙支路3街(Euljiro3(sam)-ga)站12号出口，步行约4分钟

02-6967-0999

樂園門票 / 表演門票

我地有好多門票預先係香港買定, 網上有好多 agent 選擇, 比較過 Klook, KK day, 韩巢, Seoul Pass, 等……….基本上韩巢價錢最好, 不過 Klook 又有做買$1000平$150, 計落又平DD, 所以我地最尾都係經韩巢同Klook買…….

韩巢買左 樂天世界, 拌飯秀

Klook買左南山塔, 愛來魔像4D美術館, 米田共和國, Onemount冰雪樂園, 同埋春川划艇水道 & 鐵軌自行車

BengSeng買左愛寶樂園

唔好講咁多, 都係快D寫內容先得~