20媽媽小天地

朝早已執齊行李去check out….點知counter話我地book Agoda時是book了一個成人, 小朋友因同房是免費, 我們必須繳交額外一位成人既費用!! WHAT ?!?  我據理力爭, 因我無可能book一個大人的….但Agoda堅持我的booking只有一大人….最後, 我唔想影響我地既行程, 我要求佢地俾special offer…..而酒店亦接受一人一半, 我地最後俾左大約百多元港幣了左件事. (我回港後番查紀錄, 我是book了雙床房, 但原來只給一個大人, 應該是booking時大意了, 雙床房不一定是兩人的呀!! 幸好不是多錢, 不過都是小小的教訓, 下次一定一定要小心留意呢~~ )

擔誤了時間, 我地拿拿聲出發去電車站, 搭去首里城站! 天色不太好, 下起毛毛雨……我地出左首里城站後, 原來要行好遠的, 好像有行成20分鐘至半個小時呀, 去到都累c了!! 推bb車的注意, 入城門口係好高既石級, 沒有斜路, 要抬的…加上天雨路滑, 我覺得好危險呢!!

先到城牆.....終於都到了 (氣喘.....)

城內有無障礙通道....但入口沒有 !?!? 還是我地急急腳沒看見 ?!

連人帶車搬了上來......一朝早做左好好既運動 @@

首里城逢週三,五,六,日的早上11點, 下午2點同4點有琉球舞蹈表演, 我地去到時已11點幾, 仲有表演, 不過睇左陣間都係快d入城參觀, 我地只有一個多鐘頭咋!! 首里城門票800円，show電車一日券可以打8折640円…..小朋友記得攞張參觀圖去每個點蓋印章, d印幾靚的!

表演免費架, 有興趣既朋友可以就番時間去呢~

這小姐好興奮的搵蓋印既地方.....

呢個係主殿, 好有氣勢呀!! 入內參觀, 要脫鞋架~

金碧輝煌既龍椅~

我好鍾意佢里面放置既小模型, 好精緻好靚呀~

接近一點我地要急急腳離開了, 行番去首里城站又要20分鐘, 仲要趕返酒店攞行李, 再趕去機場搭3:30既航班!!

妹頭, 蓋埋呢兩個好喇~~

走喇, 係度離開.....其實首里城地方好大, 仲有好多地方未來得切去呀, 只好又留返下次啦~~

又行番一大段路返去電車站......

忙裡偷閒.....見到蝦玉色既"大紅花", 好靚呀!! 趕頭趕命都忍唔住要影低佢....Haaa Haaa

終於搭番去旭橋站.....兵分兩路, 我係電車睇住兩個女, 而貴爸就飛奔返酒店攞行李,分秒必爭呀!!

我個心急到c.....兩個反而玩到哈哈笑~~

攞左行李, let's go!! 幸好電車去機場好快, 好方便!!

我地兩點左右去到機場, 一入去係很大的國內線, 要行一段路去另一座大樓先係國外線….check in完後, 個心先定落黎!!! 好彩國外線好細, 我地只須半小時前到機口等便ok, 趁有小小時間, 走去國內線食個午餐…..

貴爸來個 beer 慶祝一番!!

海葡萄壽司, 來個首尾呼應先!! 哈哈~

回程航班延遲15分鐘….OK啦, 唔係等好耐! 15:45, 上飛機返香港喇~

因為食飽左, 呢程機予晴乖乖瞓左晏覺, 我, 貴爸, 妹頭難得可以睇晒成套戲呀!!! Good Ending 呀~

Okinawa, Bye Bye 喇~