20媽媽小天地

年初二原先要去娘家拜年的....可惜黃爸黃媽都生病了!!! 嗚嗚~~   好多好多年無去過林村許願樹, 我地無聊決定貢去行吓....

我地先搭車入大埔食lunch 先, 再搭小巴直去林村......

去到.......嘩~! 好多人呀!!!  大門口排滿檔口, 四周塞滿人......

呢兩個頭好得意!! 哈哈~

我地周圍行吓.....原來而家係香港許願節........

周圍掛滿風車~

妹頭幫我地影.....唔錯呢~

有兩匹俊馬俾人影相~

年初一既花車亦停泊左係度俾人影相!! 我無睇到花車, 啱晒~

周圍都有大大既風車呀~~

中間又圍左個地方有團體表演, 我地睇左呢個單車樂隊, 好勁呀!!

佢地個個高頭大馬, 見到細細粒既中國娃娃都好鍾意呢~

好攪笑的埸面~

妹頭都好開心呀....你睇佢個樣~

我地之後去許願樹, 成棵樹圍滿晒人, 好不熱鬧!!

$20 買個"膠橙"來擲寶碟意思意思一下........我地興致勃勃係許願咭上寫上願望......再將咭穿在膠橙上.....

個個都好認真在寫......

攪掂, 可以去拋喇~

當我回頭收拾行裝, 抱好予晴, 要同貴爸行去拋時......妹頭呢 ?!?!  佢自己攞住寶碟走左去, 周圍太多人, 我地四圍望都唔見人, 個刻........我心好慌呀!!!!! 心諗: 大獲喇, 走左去邊?!?! 咁多人, 點搵?!

我企高左, 再四圍睇, 心急到c.......一陣間就見到妹頭走番來我地面前, 原來佢一個箭步走去拋橙.......拋兩拋發現唔見我地就慌失失返轉頭搵, 剛巧係我地面前!! 個願望橙......以妹頭既力量係求其拋左 (一地都願望咭, 無可能搵番.......!!)

而妹頭......就梗係俾我大大教訓一餐 !!

許願樹, 有機會再見~