年初四, 趁大家都未返工, 約埋姊妹們貢去元朗錦田鄉村俱樂部度摘士多啤梨~
呢日, 天氣超好......唔係, 有大太陽, 直頭好熱呀!! 我地以為天氣熱會無咩士多啤梨.......點知.......喜出望外呀~
成塊田有好多好多, 仲要好大粒好紅呀 !! 法國種, $70/磅, 韓國種, $100/磅, 貴左好多呢~
未開始, 兩姐妹影幅相先啦......
家姐唔耐煩.......得未呀?! 我地要去摘喇~~
家姐, 一支箭標左去, 我就跟住妹妹......同妹妹影靚相!! 佢人仔細細攞住個籃, 好有小紅帽既影子~! 哈哈~
今次係妹妹第一次摘士多啤梨.....佢見到又紅又大粒好興奮呢~~
兩個好忙碌呀~
三位小姐各有各忙, 不亦樂乎~
睇番合照都覺得好好笑~
士多啤梨 + 妹妹, 好可愛呀~
D士多啤梨好大粒, 用黎影相啱晒!! 哈哈~
噢~! 妹妹, 未食得住架~~
因為貴爸返工, 我地三母女來過合照啦~
妹頭摘左好多呢~
大家睇吓, 粒粒都好紅好大粒架~
因為天氣熱, D 士多啤梨熟得好快.....放一陣都好易爛喇!!
我地摘完就洗來俾佢兩個食, yumi 呀!!
大小BB一齊食, 好得意呢~
我覺得好紅, 不過唔算好甜, 反而之前天氣凍摘果D 甜D.....今次, 開心吓, OK 咁啦~
之後小朋友去跑跑跳跳, 我地大人們就傾吓計, 風花雪月一番!! 呵~
小朋友又要玩, 又要掙, 激C人喇~
呢兩位姐妹, 一頭亂髮, 想點?!
大家都玩到好口渴......喂喂, 妹妹, 你唔好係咁飲喎~
叫佢地影幅合照, 唔知點解變身做左美少女!?!
夠喇, 企好D, 唔要變身呀~
跟住去左玩車.....妹妹都好想玩, 不過唔啱你呀, D哥哥姐姐太狼C, 你都係影吓相算喇~
woo woo~ 片喇~
大家都玩得好開心.....不過我估收錢個個最開心呀, $30 - 10分鐘, 豬籠入水呢~
最後我地去餵埋魚同龜.....我地帶左魚糧來, 幾位小姐起勢咁灑落去池度 -_______-'
D水好濁, 原先以為無晒魚, 點知落左魚糧.......平平無其既水面就多左好多魚同龜游上來食野......越多魚佢地就灑得越起勁越開心!!!
夠喇夠喇, 我估D魚同龜真係幾個月黎最飽今次了~ Haaa haaa~
因為晚上要團拜, 我地大概五點幾就走 loo~
留言列表