20媽媽小天地

昨晚同予晴慶祝兩歲生日, 方便就腳一家人去左 APM 既 "一杯鐵板燒居酒屋", 之前係 openrice 度見到都算幾多好評, 一於book 黎試吓......果然係唔錯錯既選擇呀!!

"一杯"食既係關西風味.......一入到店里有陣陣既懷舊感覺, 中間一行開放式的鐵板燒吧枱, 但一d都感覺不到油煙, 抽風系統很好呢, 我地坐既位置亦很闊落, 有小朋友都無問題, 讚呀!

我地今晚點左..........

關西燒......熱騰騰的好味, 不過小鬼們不太懂得欣賞

八爪魚炒麵.......呢個妹頭話d 炒麵好好味呀, 食左兩碗呢~

生薑豚肉石頭鍋飯....ok 好味的, 亦啱予晴吃!

雜菌少牛舌.....牛舌很入味, good! 

仲有燒物: 燒三文魚, 燒甜薯, 燒蟹腳

呢個蟹腳很攪笑.....貴爸話很抵吃, 只須$20!!!!! 無可能啦, 燒甜薯20蚊, 燒蟹腳點會都係20蚊?!!? 細心睇多次餐牌, 原來係$220 !!!! 平均每絛要件40-$50......貴爸, 係時候去驗眼了@@

啖啖肉的蟹腳......此小姐吃得津津有味!

爸爸放鬆......啤啤佢先~

我地都唔差........自備飲料!!

整體味道 Good 呀, 兩位小朋友都啱食.....包埋$220蟹腳, 埋單只係六百多, OK 呀!! 我在場都見有爸媽帶幼兒來的, 地方適合呀!!  朋友們, 可以試試呢~

攪笑小記: 好奇的予晴吃下了檸檬.........酸到佢個樣!!!!  媽媽真係忍唔住.........舉機影底呢一刻!! 哈哈哈哈.....媽媽好衰呀~

百看不厭, 再看仍是想笑~~ 哈哈哈哈~~