有兩個小孩子的日子過得超快........轉眼間, 予晴已兩歲了! 媽媽無時無刻都係捨不得您兩姊妹長大得咁快呢~
簡單記一下.............兩歲的妹妹, 高88.5cm, 重27lbs.
說話已係完整既句子, 整天 bi li ba la 的, 很可愛! 予晴把聲好高音, 每次一輪嘴講野都好似有隻小雞仔在唱歌, 好攪笑!! 佢很醒目, 亦很細心, 會留意一些細微既野, 例如, 我在家常常穿馬拉松的T-shirt, 有一天貴爸穿上他的馬拉松T-shirt , 予晴便會問: 爸爸點解著媽咪衫既 ?! ", 又例如, 我當日帶了隱形眼鏡, 予晴便會問: 媽媽點解無帶眼鏡既 ?! ", 很叻叻呢~
愛睇書, 好習慣呀~
食野已完全跟我們大人一樣三餐正餐, 吃既只要不太油便 OK. 予晴比較喜歡粉麵飯, 對麵飽類就麻麻..........呢個妹妹, 跟得家姐多都成日鍾意食甜, 糖呀, 朱古力呀, 雪糕, 汽水, 一早品嚐了!! 知道呢d好味道, 而家成日嚷住要食糖!!! 一見到人手上有野食, 就會兩眼發光似的......激死人呀~
貪靚......開始很愛美了!! 喜歡著靚靚既裙, 會開心的話: 媽咪, BeBe 好靚~, 家組扎頭髮佢又要跟住扎頭髮, 媽媽化妝佢又想要化妝, 還真的合埋眼睛給媽媽掃臉, 超攪笑的!! 而家很有主見......例如, 出街堅持要著 boot, 如果我地說要換其他鞋, 衰豬還會扭計~
<----媽媽, 說我嗎 ?!?!
三表姊妹每次去婆婆家就將姨姨的高跟鞋同手袋攞來穿, 又model 上身的catwalk 一番......真係......!!!!!!!!!
戒片進行中, 幸好有嫲嫲幫手, 日頭予晴在家可以唔著片了, 只要定時定後叫佢去洗手間便可, 或者佢自己急都會出聲要痾shu shu/ poo poo. 不過出街我仲會著片, 始終街唔方便隨處去洗手間.....不過衰豬一有著片便會懶得叫, 很多時都痾在片片上, 要想法子先!
小鬼有時甚至自己爬上厠板, 很嚇人的!!
分享, 兩歲既佢都樂於分享, 係好好既美德呀! 無論係野食定玩具, 只要佢手上還有, 你問佢請, 佢都很大方分享的, 很抵讚! 不過如果唔問佢就搶佢, 佢會同你爭到底呀! 家姐就係成日都犯呢個錯誤, 被我教訓左好多次呢!!!
予晴似爸爸臉蛋圓圓, 好可愛的! 每朝見到佢都會想攬實佢, 哈哈! 呢個小妹好喜歡好喜歡家姐, 雖然有時有爭, 幸好兩姊妹是非常的相親相愛, 妹好鍾意跟住家姐, 家姐亦很照顧阿妹, 感覺好好呢!! 佢兩個可以自己玩, 只係望住佢地玩都令人開心笑了~
大家姐有時會幫妹擦牙, 很溫馨又很攪笑的一幕~
我的兩個小甜心~
妹妹, 爸爸媽媽同家姐永遠都咁愛您, 您要健康成長, 每一天都健康快樂呀~
小記: 予晴生日正日, 我book 了在觀塘影樓, 想拍些靚靚的全家幅留念.......點知在爸爸帶佢兩姊妹出來的途中, 予晴狠狠的跌倒, 額頭腫了一塊, 又紅又瘀, 嘩! 心痛死我了!!! 這輯相還未睇, 不過我不抱任何希望了.....嗚嗚~~
晚上同予晴切既蛋糕, 係樂程自己揀給妹妹的, sweet~
豬的一家.............