![](https://s.pixfs.net/f.pixnet.net/images/emotions/fox_12.gif)
好多人覺得自己去菁桐,十分等地方好難,其實一d都唔難架! 主要係夾啱火車時間表就好容易.....
1)台北車站坐火車去瑞芳 (先查火車時刻 http://twtraffic.tra.gov.tw/twrail/ )
2)如去十分,就瑞芳站轉平溪線火車 (可以 download成個平溪線火車既時刻表)
3)如去九份,就瑞芳站轉巴士或的士 (我地搭的士,公價TW180, 快靚正)
4)無論十分去九份,或九份去十分,都要先回瑞芳,因是兩個方向.
要留意既係.....平溪線火車既班次較疏,missed左一班就要預一個鐘左右! 菁桐, 平溪, 十分都係舊火車站同路軌,我地帶住兩個細就決定只去一個地方 - 十分, 唔駛趕來趕去, 又唔駛就火車時刻! 我地行程係上午去十分,下午去九份......一日去兩個地方, 我研究過呢班車時間比較適合.
台鐵區間車4154 : 08:25台北火車開 -- 09:13到瑞芳, 正好接駁平溪小火車: 09:30瑞芳開 -- 10:03到十分
朝早七點多叫醒兩姐妹……. 7:45便出門口去捷運站了,兩姐妹完全未瞓醒!!
係台北等火車要留意,火車到達佢只show火車去既終點站(蘇澳)同車種(區間車),而無show到班次(4154), 所以要留意住,以免上錯車或Missed左!
捷運唔可以食野,不過火車就可以……..我地買定早餐係火車度食,慳d時間.
平溪線我地只去一個站,所以用悠遊卡,係瑞芳要先do出閘,再do入閘……….而如何去多過一個站,就買平溪一日卷抵d, 所以要預先決定路線點行!
有d人怕瑞芳太多人上唔到車,會選擇係八堵到轉車(平溪線第一個站),我地照係瑞芳轉,一d都唔多人,都多位坐!
瑞芳等平溪線既火車………呢個予晴完全唔行,激死!!
興奮的四人組,哈哈哈哈~
十點鬆d就去到十分, very good呀!
有之前旅行既經驗,今次我都帶定本簿仔俾妹頭,十分有好多印仔,有d細藝,佢超開心呀!! 推介俾有小朋友既父母,只係放多本簿仔係行李,就可換黎開心快樂既回憶!!
予晴都要吸印,俾張紙佢亂吸一通!!
好有趣既手繪地圖~
當然唔少得路軌照啦! 哈哈~
好可愛既兩姐妹~
好奇怪既三母女.............@@
我地趁未係好曬先行去十分睇瀑布,回程先去老街同放天燈~
沿路經過一排既許願竹,影相幾靚架!
向十分行是郊區,要帶野防蚊! 我地大頭蝦,蚊怕水蚊貼都漏了在酒店,幾條腿做左蚊子既午餐 ~______~#
十分瀑布係個私人管理既公園里面,要入場費TW100. 入到里面有好多猫猫呀…….剛戒奶既予晴見到猫BB在飲媽媽奶,場面好攪笑好可愛!!
瀑布唔算好大,不過見到呢d天然美景總是令人好興奮的!
傻豬笑到咁既樣!!
Big Big KISS~
樂程只睇左幾眼瀑布,對猫猫興趣大D~
猫猫: 你有你吸印, 唔好嘈住我呀~
我地hea左一陣,就出番去十分老街,剛好見到有的士,唔駛行!! Yeah~
十分老街好細,大多係放天燈既鋪頭!我地揀左間多人既…….就由妹頭開始! 佢有得玩,好雀躍!
很認真地揮筆....
原來唔同既天燈有唔同既意思,不過大部份都會選彩色,因為影相靚d!
寫好晒四面,工作人員就熟練地幫我地影相……..
女兒是爸爸的情人,真的無錯!! 呢板樂程只畫了佢同爸爸,堅持唔畫我同阿妹呀!! -________-II
放天燈呢個活動感覺很浪漫,將心底既祝福寫上再緩緩放上天空!! 如果係晚上望住發光既天燈向上飄,應該很美麗吧~
最後影張合照來個完美既結局!
行番出去靜安吊橋,到此一遊~
十分老街細,我地決定早d離開,去九份食lunch.剛好可以搭上12:48十分回瑞芳既火車,good fit! 天有不測之風雲,早上還出太陽,到瑞芳轉的士上九份,的士途中便開始落大雨……
去到九份老街,先坐底醫肚…….呢個大大粒肉丸好味道!
一條長長既老街,大部份都係賣手信,不過D雨時大時細,好難慢慢行!! 去了吃出名的賴阿婆芋圓,確實好味呀!! 天氣熱,我地叫左個冰既,粒粒芋圓加紅豆湯底,QQ的好好食,難怪一直有人排隊啦~
三點幾,雨越落越大,我地拖住兩個細既實在行唔到,塑性搵間茶室坐底hea吓等雨停…….望住個雨景飲番杯涷飲, 正!!
妹頭早起身又唔夠瞓,趁機瞓吓….
煙雨蒙蒙既山城..............九份不嬲知道好大機會落雨,但都唔係咁大呀?! 直頭黃雨紅雨咁,好無耐呢~
自得其樂既予晴....
我地hea左個幾鐘,但大雨完全無停既催勢……我怕落成晚都唔停,決定冒雨盡早落山! 叫醒妹頭,不過佢未瞓夠,人又攰腳又痛,個天又咁大雨(應該有影響心情吧),呢刻佢情緒崩潰了大哭起來……不過媽媽無辦法,硬住頭皮拖住佢行! 一人一件便利雨衣,再加雨遮,沿住長樓梯落山,但條樓梯d水好似瀑布一樣,好誇張! 妹頭一路行一路大喊,可憐呢!!
幸好有的士,順利的去到瑞芳火車站………不過……..沒有火車回台北了!!!!!!!!! WHAT ?!?!?!? 原來因大雨水浸了,火車都停開了!! 咁都得?! 呢個究竟係咩旅程?! 冷靜一下,回台北現有兩個方法…..一,搭基隆客運,不過巴士由金瓜石開出,係九份已坐左好多位,唔知要等幾耐先上到!! 二,搭的士,不過天雨路滑, 坐地起價,回台北要TW1200 – TW1500 !! 為左兩女,決定坐的士....幸好有兩個女仔主動提出同我地併的士, 人頭計每人TW300, 小朋友唔計錢……不過只去到台北南港捷運站, 唔入台北市, 因為剛好放工時間, 一定塞車塞到顛!!
的士去到南港, 台北沒有雨呀!!!!! 呢d局佈地方大驟雨也差太遠了吧!!!!
我地先搭捷運返酒店……….即開缸暖水俾兩個小妹浸吓玩吓水, 超開心的, 咩辛苦都唔記得了~!
沖完靚涼, 近近地我地搭的士去永康街高記食上海小籠包, 叫幾個菜舒舒服服地吃~
很香的皮蛋酥~
唔記得呢個叫咩菜, 很好吃~
心情靚晒, 應該食咩都特別好味D呢~