2013 台中清境之旅 1 - 青青草原, 觀山步道, 雲舞樓－20媽媽小天地

昨晚七點多飛機，到台中清泉機場都差不多九點了，好彩一早約左司機，暢埋錢就上車直去酒店 - Holiday Inn Express, 車程都要起碼九個字，所以到酒店後攞左房同妹頭梳洗後就上床瞓喇，準備第日一早上清境!

Holiday Inn Express 的可愛佈置

朝早八點起身，執野退房食早餐.......約左司機九點半出發，由酒店去清境要一個半小時，沿途睇下風景，傾下計，予晴又扭下......好快就到我地既民宿〜見晴花園

見晴有個小園圃, 種左靚靚花~

小小既清境就有六,七間 7-Eleven.....其中一間就係見晴園到!!

台中有好多呢D印仔......小朋友可以帶本簿仔來印.....我原本要帶, 不過買唔切.....

呢日天氣超好呀！未可以攞房，我地先放低行李出去食lunch.......沿大路向國民賓館方向行，去到清境旅客服務中心.....

見到呢個風車就知到左客服中心~

其實係細細既 mall 仔......

係陶易燒到坐低食野，呢到全部都係火鍋上，天氣冷會好D!!

陶易燒 - 坐個窗口位, good view !

有三角屋頂~

大大張墊枱紙可以俾妹頭畫公仔~

我食牛煱......我覺得配菜好食D, 好開胃 ^^

貴爸食羊煱.....唔知同呢度D羊有無關係呢~~

陶易燒門口有隻大 bear bear.....予晴好like 呢~~

Bear Bear 你好滑呀.....

大隻過你兩姐妹呀~~

之後我地就搭清境既車上青青草原到玩羊咩咩喇......一大片草地, 好靚好舒服呢~~

爸爸抱到予晴...... -______-II

好可愛的告示牌 ^____^

先買羊飼料餵羊........佢地 lam 落黎感覺好得意，不過妹頭好驚呀, 反而予睛未識驚住 haaaahaaaaa

妹頭你咁遠, 隻羊條頸伸到幾長 !!! 搵食艱難呀~~

拿, 近D佢先食到架麻....

妹頭.........很緊張 HaaaaaaaHaaaaaaaaaaaaaa~~

個度唔係幾隻羊......係周圍都係羊呀~~

好悠閒的......

自己試吓先~~

有進步呢 haaaHaaaa~

餵羊咩咩, 真係幾好既一個親子活動呀~~~

好迫呀!!! 羊都無眼睇了~~

2：30 睇綿羊秀......3:45 睇馬術秀.......我覺得普通啦, 小朋友會覺得幾得意既~

羊咩咩 show....未開始已坐左好多人喇~~

未開始前同妹頭去騎吓馬仔~~

白馬公主 ?!

我地就咁坐欄杆睇 show~

兩姐妹, 好鍾意呢幅相呀~~

睇完 show.....都係餵羊........

予晴就餵包 HaaaHaaaa~~

這個羊奶冰棒, 好味~

予晴, 你試吓.......

予晴心諗: 咁大隻, 咩來的 ?!?!

牛牛風車~~

簡單又好可愛的小木馬~~

跟住沿住步道行番下山......山路斜，推住BB車都幾難行的......而且要兜多D路! 因為 Missed 左班車.....下一班會係個幾鐘後, 我地只好轉的士!

差不多六點,山區地方周圍都黑麻麻loo.....我地去左出名既雲舞樓食晚飯, 佢叫"段家私房菜"....人少少叫左三個菜,簡單不過又真係幾好食架! 雲舞樓離見晴好近.....食完可以直接行番去呀!