20媽媽小天地

爸爸提醒我, 今天妹頭已500天大了 !! 我有點感慨......噢 !! 500 天了, 真的很快.....好想在此紀念一下 !!

星期四妹頭返屋企時已有幾聲咳.....還好像有痰的沙聲......半夜持續....星期五朝早拿拿趕同佢睇完醫生先返工....醫生話早期, 喉嚨開始紅腫.....

就係呢個睡姿, 真係唔明點解咁大張床, 妹頭係要迫係個角落頭度, 仲要係頭頂頂到實個隻!! 唔係一次半次, 係好多次都係瞓到咁......唔通真係咁樣瞓有安全感D ?!?

小朋友的身體真的超柔軟, 妹頭仍然好鍾意捉住自己左右腳黎玩.....拍腳掌啦, 食腳指啦, 一D難度都無 ......比著我地呢d硬骨頭, 真係郁兩郁都驚扭親 !?! 

呢幾日氣溫急跌....很乾燥 !! 今早起身幫妹頭揸 cream......點知整醒左佢 ! OK 啦, 我要收番盒 cream 佢又唔俾, 係要自己攞住.......陪左佢一陣間, 同佢講唔可以開...見無咩問題, 我就走去擦牙趕住返工, 點知我返到房........妹頭一手一臉都係 cream, 圍繞成個嘴邊都係 (試想好像一圈剃鬚膏 !!), 仲有, 我相信有D巳吃了在肚了.......!!

上星期去左 Kid Music 到試堂, 用上次既唔同, 今次係 Music Playground.....可能長大了, 今次妹頭比較投入, 又很有反應......雖然只係玩簡單既樂器同唱歌, 增加佢地既節奏感, 不過我的感覺幾好 !!

呢段片係新年時期出去食飯時影的.....妹頭揸筷子, 出乎意料之外的揸得好 !!! 叻 !! 妹頭, 對所有食既要都很有興趣......真係被人一眼就睇出係餵食妹喇 !!! 

過左年十五, 尋日幫妹頭攞番d利是出黎...嘩, 好大叠呀 !! 妹頭, 你就好啦 !! 做 BB個個都錫, 真令人羨慕啊 !!  今年妹頭識恭禧恭禧豆利是, 初初都好有禮貌咁講多謝....不過後尾可能收得太多, 人地俾利是佢, 佢都唔理人喇.....掛住玩, 接都唔接, 唔好意思要人遞咁耐, 媽咪只好代收啦 !! 妹頭, 醜怪呀 !!  下年唔好呀 !!

十五個月了, 不再BB, 是名副其實的小朋友 !!!  新年到, 妹頭仍是短毛毛, 我買左個假髮頭 cool 俾佢, 得到各方讚賞  我好喜歡呢個造型, 好女孩子, 你地認為如何呢??

我平日夜晚都會同妹頭唱吓 ABC 歌暗佢瞓....而家佢字音多左, 我就會時不時叫佢跟我數 ABC, 有d音難d講得好攪笑, 其他都幾準架 !! 不過我唔係對住d字教佢, 所以佢唔識認字, 係得發音咋 !!

呢段片係早兩個盅禮拜影架 !!

近期工作超忙, 日日都OT, 已經月尾了, 都沒有時間 update 妹頭14個月既成長 !!! 現簡單記吓.....

於大肚既時候, 逄周六我都有去聯合到聽吓產前講座, 個時就識左呢個朋友 - Samantha.......可能大家年紀差唔多, 有次坐埋就好好傾....又可能呢D叫緣份啦, 我同其他人坐時都唔會咁樣傾, 大家聽完 talk 就走人, 係同 Samantha 先傾到完左 talk 都唔肯走 !!!

剛星期日參加左個 BB party, 初時有好多人報名既...不過後來見到好多人都陸續退出, 心諗有d不妙, 呢個party 真定假既呢? 會唔會攪唔成呢 ? 但我地又已經入數俾左錢, 點算好呢 ? 好彩去之前打電話去 YMCA 確定有呢個活動, 百分百肯定無泡湯....

D人話阿爸錫個女多d....原來係有原因的 !!!

過左1歲, 長大左, 對身邊既一切超級有興趣......小朋友係0-3歲呢倘個階段, 腦部發展係最快既, 希望妹頭係呢段時間都盡量吸收啦 !!

我覺得妹頭隻左眼常常偏中 (右眼無此問題), 其實我於6個月同12個月既健康院檢查都有同醫生提出, 簡單檢查 (用電筒照, 睇眼珠既光點是否在眼珠中間, 還是有偏內或偏外情況)都覺得唔似豆雞, 不過醫生接納我地既擔心, 都同我轉介去眼科到睇睇~~ 

早兩晚拍低既片, 見到妹頭開心既樣子, 媽媽的心情都會自自然然好起來...

11月29日, 我地參加左由 0811媽媽合力舉辦既 0811 BB一歲生日會, 全場共有120個 BB, 地點係新世界中心既萬麗酒店....呢個咁盛大既生日會, 真係好犀利, 辛苦晒一班出力出時間既義工爸爸媽媽 !!!

妹頭既八隻牙仔都 keep 左好幾個月, 我仲係度諗緊幾時先會再出牙仔....點知係妹頭一歲既時候, 佢既上排左邊犬齒已偷偷地生左出來了 !!   平時真的好難見到, 要特登大大咁張開口先可以.......我無意間發現里頭多左隻白色牙仔, 細心d睇先見到原來係犬齒, 仲要係爆牙 !!!!!!! Oh, God !!! 點解靚靚既牙齒會多左隻爆牙 ?!? 趁妹頭打一歲針時問吓醫生, 醫生就話由得佢啦, 唔通你想而家 cool 牙咩 ?!?  咁又係.......