20媽媽小天地

真的過左 6 個月就特別易病嗎?!?

星期日終於完成最後步驟了.....原先是想送妹頭的半歲禮物, 不過遲左D !! 公公話有D地方駛唔駛補油, 我就認為雖然唔完美, 不過總算是自己親手完成的, 算係咁啦 !!

好喜歡同D媽咪 gathering, 一黎可以知多D自己唔識既野, 二黎自己同BB都可以識D同期既朋友, BB會一整齊收長，有共同話題 !! 上星期日就同幾個 BK 媽媽約左出Megabox 食 Tea 傾計, 我地有三個 B 都係 11月15日出世, 好開心識到大家呀!!

"口"水花四淺........

5月15日, 妹頭半歲喇....真係不經不覺, 時間過得太快喇.....想留都留唔住...... 我地特別買左蛋糕同妹頭慶祝.....真係托你既肥福, 爸爸好媽咪又有得食喇 !!!

BB既發展有時真係可以好快.....上星期日去爺爺屋企食飯, 先講話肥妹頭仲未識轉身, 唔知會唔會遲左, 因為聽講有D BB係 4個月度已經識反身抬頭........我妹頭都係5個月先習慣將佢個大頭抬起, 唔駛食床單咁可憐 !!  不過星期一放工返屋企就發現妹頭嘗試自己反轉身, 雖然隻手攝住左, 未係做得好好.......但對我黎講已經係好大進展呢 !!!

五個月既BB會開始練習坐, 妹頭係三, 四月度已唔要橫抱, 鐘意人打直抱住佢坐坐或者企係度......不過腰骨未發展得好, 一定要抱實或者扶實佢, 如果唔係實碌落地下!!!  呢兩日我同貴爸爸都試放佢係床上, 妹頭可以唔駛挨住枕頭自己坐...........佢仲識得自己左搖右擺個身體去攞平衡, BB真係好犀利呢 !!!

妹頭雖然肥嘟嘟, 身體可是頗柔軟的!!!  呢兩日見佢好輕易就捉住兩隻腳, 有D似係度練瑜珈咁........佢隻腳仔咁長, 我估好快就可以隊落口度試吓咩味 loo~~

早幾日發現妹頭下顎有兩點白頭, 好像要出牙牙.......我同公公婆婆講佢地又話無咁早 !! 尋日證實左喇.......妹頭開始長牙喇.....仲兩隻一齊出, 好明顯呀 !! 唔怪之得一直係咁流口水啦 !!!  從今日開始要好好注意口腔清潔喇 !!

相信每個媽媽都好鍾意見到自己既寶貝開心笑......妹頭, 見到你開心, 媽咪都好開心呢 !! 冧死了!!!

妹頭呢個時候成日都 "da da da" 咁學講野, 又會瓜瓜大聲叫.........同佢玩佢就好開心, 但若放低一陣唔理佢, 佢就會大叫投訴, 遲D佢識爬爬, 就真係睇少陣都唔得 !!

話咁快, 妹頭已經5 個月喇!! 無論點忙都好, 都要幫妹頭記低........

每個BB的成長階段都唔同.........而妹頭呢??

有兩個星期無 update 了......公司真的忙到癲, 放工夜左, 有時仲帶埋D野返屋企做....壓力好大呀, 有時真的覺得好辛苦!!!  究竟點樣可以工作同家庭互相平衡呢??

今日得閒, 就幫妹頭剪頭髮.........希望佢頭髮可以生得快D, 唔駛再得個幾條毛毛 !!  公公婆婆都話要幫佢鏟光晒, 話咁先會生出黎.......但我唔捨得, 最後留番 3 mm 既毛毛係頭度 !!   不過佢頭髮本身短, 鏟前鏟後分別不大........對妹頸黎講, 橫睇掂睇都係光頭妹一名!!

妹頭近牌每每到臨瞓醒時都踢被踢得好利害..........完全踢走晒 !! 之前開過一晚冷氣, 媽媽我就變左神經質咁成日起身幫佢拉番張被.........我驚凍親呀!! 唔知有咩好方法呢 ?!?

星期一至五, 一返工就忙到嘔, 想幫妹頭寫下blog 都有心無力呀..........幾時先會得閒D呢?!?

尋日同妹頭返健康院打4個月既混合針, 例行磅重, 度高, 量頭圍........大大隻的妹頭身高, 體重, 頭圍全在97線以外, 叫做超晒標了!!!  我怕超重要減重, 問醫生意見, 好彩佢話妹頭本身已經係大隻, 以身長黎講, 呢個朋體重係正常.....我都放心D !!

今日爸爸媽咪同妹頭去一年一度既花卉展, 仲第一次唔用車車, 用背帶呀!!   不過今年妹頭都唔識睇, 至在帶佢出黎行吓.........相信下年就好唔同 loo !!! 妹頭係背帶度都可以瞓著, 我估應該唔會唔舒服掛~~

話咁快, 妹頭四個月喇 !!