20媽媽小天地

妹頭而家成日都媽媽聲........之前開心就爸爸爸, 扭計就媽媽媽......而家就係唔係都媽媽媽.......!!  究竟係咪真係叫媽媽, 定係純粹發音而已 ?? 不過, 我就係唔係都應左先, 話晒叫媽媽喎, 真係心甜C了........

BB真係唔可以睇小......呢頭先話只係識向後........o個頭就開始向前爬了 !! 條片星期五晚影既.......妹頭而家識得向前爬幾步, 不過好快會坐左係度 !!  我見到真的好驚喜呢 !!

趁今日有空檔, 幫妹頭的床仔"較"低, 因為而家仔佢識由瞓/爬變到自己坐係度.......以免有日突然自己識企就容易發生意外!!!

生病中的妹頭超忟憎, 勁扭計.......可以唔食野唔飲水 (之前都飲好多水........今次唔知點解一見個奶樽就喊晒口!!!)  我地強迫佢飲水, 用匙又好, 用針筒又好, 希望佢可以飲多少少.....不過佢喊得好犀利, 好似我地迫佢食D咩.......!!!!

尋晚放工返到屋企.......妹頭啱啱同爸爸去完公園返黎.....因未到瞓覺時間, 平時佢好活潑的, 但尋晚個樣就好呆........原先我都以為佢想瞓, 但一抱起佢就發現身體好熱, 覺得好奇怪, 同佢探熱有38.1度, 先知道原來發緊燒 !!!  好彩樓下睇開個醫生未收, 拿拿林同佢落樓睇醫生 !!

唔係普通坐坐......而係由爬變坐呀 !! 早幾日有次記得妹頭好似係爬係度, 後黎唔知點解坐左係度.......我都懷疑係妹頭自己坐, 但見唔到唔係好肯定.....今朝原先想同佢影d相, 點知就俾我見證到佢既成長一大步喇~~

幾個月前係明閣飲完茶大家都覺得地方OK, 又有梳化俾BB影相, 今次encore , 約左71出黎......今次多左好多人, 坐左2 圍.....不過無得坐近梳化呀!!  貴爸爸要返工, 由我同妹頭做代表.........

妹頭真係好鍾意Bu波.............識得有D口水係嘴邊, 再做一個個既口水波...自得其樂!!

我地張地墊.......D邊邊都俾妹頭 meet 起晒喇 !!  中間位置有D已經俾佢開左個洞....俾佢見到就好似發現新大陸咁........就起勢係咁 meet.......我估張野好快唔要得喇 !!!

今日同妹頭試水.......地點係將軍澳中心既會所 !!!  除左爸爸同媽咪，仲有達叔叔同Ann姨姨..........!!!

今日同妹頭游水......尋晚就同佢係浴缸度熟習吓先.......

上星期貴爸爸帶妹頭去影證件相, 攞返黎我一睇..........

尋日貴爸爸放假, 揍左妹頭一日.........每每貴爸爸都好鍾意同妹頭做"訓練".....拉起佢啦.....吊高佢啦......妹頭咁快識坐我相信或多或分少都有D原因 !!

上星期六又約埋幾個好媽媽出黎聚聚, 傾吓計, 悠閒咁食個下午茶 !! 平時 gathering 都會兩公婆一齊, 話晒攞車攞袋加抱b, 仲要上落車, 我一個人真係唔得!! 不過今次因為貴爸爸要返工, 我只好單拖出門喇 !! 媽咪好叻 !!

星期五船爸生日..........大家約埋去APM 食飯, 當然又係 Beku 同妹頭相敘的日子 !!

踏入6 個月, 妹頸開始食米糊....但到而家七個月, 佢吞嚥既能力仲係麻麻地, 餵一碗糊仔流左半碗.....食耐左又無心機食又涷左.......餵都餵到人發忟憎 !!! (我真係要訓練吓呢方面既EQ.....!!!)   婆婆嘗試俾 D粥水佢食, 妹頭都唔係好識食....佢成日用條脷頂番出黎......我好多時用匙刮蘋果汁俾佢食, 佢都好鐘意, 不過用匙刮出黎份量真係好有限....

Practise make perfect !!

忙到都無時間記低 tim !!

病左一個星期, 呢個星期就真係大, 細都咁辛苦 !!