病左一個星期, 呢個星期就真係大, 細都咁辛苦 !!
而家妹頭好番好多喇, 起碼無再發燒, 無左鼻水, 不過間唔中仲有兩聲咳 !! 好似話 BB病完會強壯 D, 抵抗力好 D，希望妹頭都健康 D，唔好咁易病 !!
<生病期間好可愛既一個 moment: 同爸爸對望左一陣.... >
<跟住向爸爸撒嬌 ! >
因為胃口差，呢星期既妹頭食好少奶，咪話米糊，連奶粉都唔食，每日只係食左 3-4餐母乳，仲要每餐分3, 4次先食得晒 !! 因為食西藥，每日流勁多汗，剛沖完涼無幾耐就成頭成背脊都係汗，真係見到都心痛 !! 
好彩佢肯飲水，時不時都俾水佢飲，如果唔係都唔知點算!! 餵妹頭食藥先最辛苦，雖然有 D 有甜味，不過佢一食就知唔係好野，扭晒成個人唔肯食，喊晒口..........我地要兩個大人，一個抱實佢再餵水，一個就負責攞針筒睇準時機吱落佢個口度..........餵一次真係攪到佢同我都流晒大汗 !!
西藥好勁，如無必要真係唔好食咁多，可能同 D病菌作戰，妹頭食完藥成個人好累，無晒精神，連笑容都無埋.........做父母真的好擔心，好彩而家好番好多!!!! 
另外呢個星期妹頭身體，四肢，頸背都出左好多紅疹，仲以為係玫瑰疹，又驚係藥物敏感，原來都唔係........覆診醫生話係感冒病毒引起的紅疹，好番之後會無，真係唔講都唔知原來會咁樣 !!
分別:
玫瑰疹: 會高燒 39,40度, 之後出疹，第3,4日會肚疴
藥物敏感: 會一食藥就即刻有，仲會勁痕
<今朝早既妹頭又活潑番喇 !! >
全站熱搜
留言列表
飲飲食食 (2)