20媽媽小天地

樂程幼稚園生涯完結, 進身小學生行列........亦意味住來緊既時間要"學業為重", 放假都未必可以周圍去玩了, 因為.....放完假要測驗考試!!    就因為咁, 我係年頭計劃今年既旅程時, 就定左係八月暑假, 希望趁未入小學前盡興一番!!!  

地點: 新加坡

我幾喜歡新加坡的, 短途, 方便, 沒有時差, 食物OK, 治安又好.  近幾年起了很多適合一家大細去遊玩既地方, 特別是很近新加坡邊境既 Legoland, 真是小朋友既天堂!!! 樂程 BB 未夠一歲時去過新加坡四日三夜, 不過佢當然無印象啦.......橫掂予晴又未去過, 一於來個新加坡 Legoland 之旅!! 

今次好玩既地方…就係原先係我地一家人既旅程, 同好姊妹們講吓講吓, 又令佢地心郁郁想一齊趁小學前最後一個暑假顛番次, 一輪發酵之後.....最後變左一個10人既旅行團, 一個爸爸, 四個媽媽, 再加五個女女, 超興奮又恐怖既組合! 哈哈~  

機票

我早在年頭已在留意機票了, 因為計劃去6日, CX及星航的package會較貴, 廉航就當然平好多喇, 上網見好多人搭廉航 comment都唔錯, 一於試吓.  格價之後選了Jetstar, 2大人2小孩, 共HK$6,176, 平均每人千五元多d, very good wor !!  不過, 我地開心得太早………事實並非咁理想!!! 我於五月時收到Jetstar email說去程班機會取消, 請我們接受原先11am既機改為後一班2pm既機! WHAT ?!?!? 我上網check我們班機是爆滿的, 為何可以話cancel就cancel ?! 真的莫明奇妙, 很難理解!!   我地因為已同姊妹們約好同一時間到機場再一同book左包車入Legoland, 延遲一班車就會打亂整個行程…..我梗係唔同意改啦!! 同佢地customer service周旋了一段時間, 我最後是先book定Tiger Air虎航同姊妹們搭同一班機, 再回去取消Jetstar去程, 退回機票錢…….因訂Tiger時已經無最平價錢買, 我地一退一買, 比原價貴了7佰多元, 真的唔抵呀! 

酒店

Legoland的酒店我經由香港的Agent買, 套票(一晚酒店連2-day pass) HK$2550 + 續住一晚 $1,450 +小朋友2-day pass $410, 總共: $4410, 比官網訂購平呢~

新加坡酒店, 我網上選了一輪, 房價貴之餘, 大部份都很細, 我地兩大兩少一定瞓唔到….最後, 我選了半島怡東酒店 (Peninsula Excelsior Hotel), 它是舊酒店, 但空間比較大, 地理位置很好, 很近MRT City Hall, 三晚連稅$3680, 算OK了!

p.s.: 不過下次如有機會再去新加坡, 會試吓半島怡東對面的Grand Park City Hall, 價錢會貴少少, 但相對房間及床會好很多!!

交通

由新加坡去新山 Legoland, 要出境再入馬來西亞境, 因為有大有細, 我選擇了包車, 唔需要落車過關, 坐得舒服d又唔怕嘈到其他人!  上網爬文一輪, 得出幾個comment較好的司機……電話聯絡問價後, 我定了Jason! 今次包兩架7人車來回, 又向佢地買了些平價d既門票….Jason團隊很交帶, 載我地既司機又好好傾, 感覺非常好! 難怪Jason在baby kingdom內咁出名了, 佢地都話order太多, 做唔晒呢~

而係新加坡, 我地就主要MRT同Taxi. MRT有個叫Ez-link card, 即類似我地既八達通, 每張咭要SG$5 deposit無得退, 但就每程會平d……我定好行程後, 就計吓MRT 用 Ez-link 同用 standard 咭既車費, 因為搭得唔多, Ez-link唔抵, 所以最後係每程買飛, 都好方便. 而我地幾個小朋友個個未滿7歲, 可以申請個 CHILD CONCESSION CARD 免費搭車, very good呀 !!   

有用資料

1)     Baby kingdom出埠旅遊 – 星馬篇, 有好多媽媽分享資料好有用. http://www.baby-kingdom.com/forum.php?mod=forumdisplay&fid=4&fromfrontpage=yes

2)     新加坡地鐵, 選起點同終點, 就出晒時間, 價錢, 好方便易用. http://www.smrt.com.sg/Trains/NetworkMap.aspx

3)     新加坡的士, 又就起點同終點, 佢就幫你新計大概時間同費用, 用來預算budget很好用. http://www.taxisingapore.com/taxi-fare-calculator/

4)     聖淘沙官網, 包括晒所有聖淘沙既玩意. http://www.sentosa.com.sg/en/