20媽媽小天地

最後一日喇..........呢日朝早落起大雨, 9點幾都見佢未有停雨既意思, 我地遺有棄車改用背帶....

我地呢日好 hea, 無特別節目, 決定去Chinatown 行吓 !! 食個簡單既早餐.....我這個媽媽, 成日懷住試少少無所謂既心態, 咩都俾妹頭試吓......檸檬茶, 可樂, 雪榚....妹頭都有試....會唔會太過份呢?!? Hee..Hee.....

新加坡既野太普通喇, 無咩可以買黎做手信.....只係買左D豬肉乾俾公司同事食......呢間叫金華源, 都幾好味架!!  不過當然最出名係林志源啦~~

Chinatown 很有色彩!! 在新加坡, 真的不怕溝通不到, 因為國語很流通, 好多人仲識講"白話", 反而英文就無咩機會講...........真係溝通無難度呢 !!

我喜歡佢地彩色既建築物, 好熱鬧好靚啊 !!

經過佛牙寺到我地下一站目的地: Maxwell food center, 食呢個出名既"天天海南雞飯"

整個 food center 有好多食店.....遺獨呢間"天天"排左一行長長既人龍 !! 我同妹頭坐低等貴爸爸買飯, 淨係排隊都排左半個鐘有多喇!!! 那個 雞+飯, 真的好味道 !! 係對面鋪買左大大杯既蔗汁, 又冰涼又解喝, 正正正呀 !! 

食完飯仲有時間, 走入Suntec 商場 hea 吓, 涼吓冷氣, 坐吓 coffee shop, 先慢慢坐車返酒店攞行李.....

呢個 poster 好攪笑 !!! 個 B 好疏乎呢~~

幫襯商場的 Nursery room, 妹頭當然唔會乖乖瞓俾我地換片......不過我好喜歡呢幅相, 佢對住塊鏡自得其樂好開心的樣子......

搭車返酒店中途經過呢個新地標: Singapore Flyer, 只係坐一圈都要足足一個鐘呀 !! 我地今次無玩, 唔知第時仲有無機會呢?

之後坐 Shuttle bus 出機場就準備上機了!!  係機場買左班蘭蛋糕, Yumi 啊 !!

p.s.: 這個空姐很 nice 很照顧我地......當然佢仲好靚女啦!! 真的謝謝 !! 為我地個旅程畫上完美既句號呀 !!