尋日係細B出世以來我第一次全日一拖二......嘩, 忙到呢....真係一刻都無得停落黎 !! 揍初生B無問題, 只須到時到侯食奶, 換片, 瞓覺......但要同時兼顧初生B加 Trouble 3 既妹頭, 就真係少D EQ 都唔得 !!!

一起身先餵奶, 掃風
跟住安排妹頭起身食早餐
跟住洗地.........個地下已經日日洗, 唔明點解仲係咁多塵?! 洗死人咩~~
跟住幫細B沖涼
又食奶
跟住要煲飯煮午餐同妹頭食......妹頭係度先健康D煮飯, 得我一個既話真係公仔麵算喇~~
呢個妹頭, 飲雞湯同我倒瀉半碗....
又食奶
洗細B既衫
妹頭有咳, 煲菊花佢飲.......煲得咁辛苦又同我倒瀉大半杯
跟住俾妹頭發洩下精力, 出走廊玩吓滑板車
跟住同佢沖涼
俾佢睇陣卡通片, 趁呢段時間我沖個涼......真係一身臭汗

大家攪掂就執好野出發去爺爺到食飯....點知要出門口細B先痾個大大既, 漏晒係衫同床單, 又要重就換過晒...

一拖二出門口, 一個抱, 一個抆衫尾.....去到爺爺到終於鬆一口氣

超 busy 既一天....期間仲要不停的換尿片換屎片, 妹頭又攞晒D玩具玩到一地都係......

呢D日子, 我估過多幾日真係人都顛 !! 

食野....先有寧靜既數分鐘............




幸好, 去左爺爺屋企, 姑媽幫我地影番張見得人既全家幅 !!



Like~~

 
arrow
arrow
    全站熱搜

    Elaine 發表在 痞客邦 留言(0) 人氣()

    E-mail轉寄