Day 37 了, 細B仍然有黃, 指數達二百多度......大家都話人奶B會黃得耐D, 呢個我接受, 但問題是黃得耐都會續少續少退, 而細B是沒有退, 反而每次 check 黃指數都有輕微增加, 呢樣先令人煩惱 !!!

兩星期前由健康院轉了去將軍澳醫院抽血驗肝功能, 報告正常沒有問題...雖然醫生覺得無咩問題, 他說人奶B黃2, 3個月很普遍, 不過我地自己個B, 梗係拉擔心D...

問過其他媽媽意見, 佢地話不如試吓轉食奶粉, 因此人奶會將黃的物質拉住, 食奶粉就可等佢快D痾清, 可以去左黃之後先食返人奶......

呢個都有道理...不過內心有D掙扎, 因為知道始終人奶對BB最好 !! 不過都想盡快去黃, 於是早兩日開始每日有兩餐人奶轉做奶粉, 而我就將人奶 pump 出來儲起.....

點知......

不知是我pump 奶 pump 唔清的問題, 還是那一晚吃了鹿茸太燥熱的關係.......那晚即時全身發熱, 頭暈暈的, 探熱竟去到39度幾....發燒了 !!!!   半夜開始右邊胸脹痛到不得了, 極難受......

第二朝一起身便又發燒, 手腳發冷.....都不明白究竟是那裡出了問題 !!  不過胸太痛, 嘗試將人奶擠出....大獲了, 擠出既人奶有黃色, 咁即係發炎有膿 ?!?  死喇, 死喇, 即是要睇醫生食藥消炎....咁咪餵唔到人奶 ?!?!  因為怕發炎有細菌, 我忍心地將剛 pump 出既5安多人奶倒掉............

即日拿拿聲打去健康院求救...佢地叫我下午去俾人奶姑娘睇吓, 如果係發炎就見埋醫生.....好好彩, 人奶姑娘話我呢個情況係塞, 但未到發炎咁嚴重, 奶黃色只係因乳腺塞左奶儲耐左較深色, 不用食藥, 可以照餵人奶....佢幫我擠番d奶出來令乳腺暢通番, 不過都須要自己返屋企慢慢清....

雖然很痛, 但我都要忍痛將塞左既乳腺暢通番.....努力左兩日, 終於唔再痛, 又退了燒....

不過.......

經此一役......乳房每次只做很少奶, 唔知係咪因為之前塞左, 大腦以為不須要奶便做少些......太少奶根本就不能滿足細B, 原先約兩個鐘頭食一餐, 而家未夠兩個鐘便扭肚餓想食.....另一個問題就係奶量少, 埋身給細B啜一陣便想瞓, 食得少, 自然痾得少.....做成更難排出黃 !!!

很煩惱 !!!  原本今次難得夠奶量做全人奶的.....而家就根本不足夠 !!!  辦法只有給細B密密啜耐D, 希望能剌激多些奶.....

又希望這個討厭的黃疸快快離開我地.....

Day 37 的人仔已多多表情~


媽媽最喜歡見到你笑了~~



細B, 你這個 look 簡直是男孩子....



arrow
arrow
    全站熱搜

    Elaine 發表在 痞客邦 留言(1) 人氣()

    E-mail轉寄