20媽媽小天地

剛星期日1月8日, 跟貴爸公司參加了 “SKY100 海鮮餐一天遊”. 很輕鬆的一個旅程 !! 早上九點係旺角集合上旅遊巴, 先去鰂魚涌公園, 參觀里面既葛量洪號滅火輪. 朝早行入公園, 空氣零舍清新 !!  初時以為架船係停係海邊要小心上落.......點知原來在岸上?!  呢架滅火輪服役左50年, 退休後成為長期展覽品俾人參觀, 係香港最大既展品呀 !!



Yes Sir !!








我最愛的歡笑臉~

拍拍照, 我地就起程去第二個旅遊點  -  香港海防博物館 !! 無錯, 一個我地係 air cadets 時期年年都會去既地方 !!  去到剛好有廣東話導賞, 其實聽吓歷史故事都幾好.......不過有妹頭係度就無得企定定聽故仔喇, 唯有帶佢周圍行吓消磨吓時間~

好彩二樓有D野俾佢玩吓~~

呢個兵....細粒左 tim...

中午, 我地就坐車去鯉魚門食海鮮餐...........原先 book 左1點半, 點知要點九先交枱, 想餓死人咩!! 幸好開飯前經過, 可以不停試食合桃, 豬肉乾, 又買左茶菓頂吓肚先, 又好彩呢個餐一d都唔流, 有蜆, 有蟹, 有魚, 有雞, 有扇貝, ok 喎!!

好彩餐廳出面有舊式跳飛機俾佢玩吓....


仲有最好既玩伴 -  爸爸

食飽飽後就起程去今日既主題: SKY100

搭電梯60秒可以上到 100 樓, 真係好快, 耳仔都feel 到氣壓, 勁呀!

上到100 樓喇~~

不過好可惜呀, 一場黎到, 天公不造美, 雖然唔凍, 但個天很大煙霞, 一ｄ都唔清……周圍都朦朦朧朧, 對面山都睇唔到呀 !!!　Too bad~~

最尾周圍影吓相, 叫做到此一遊算了!!　我地都無跟車返旺角, 直接係度搭車返屋企loo~~

 

 

每個小朋友都很有興趣既電腦......

妹頭都識做扒表情配合架~~ HaaaHaaa~