今年大肚 dum 唔可以自己大掃除, 唯有做幕後軍師, 一早安排定貴爸邊度要清潔.....呢個爸爸都做得唔錯, 跟 order 一樣一樣做好, 抵讚呀~~

而除左貴爸, 妹頭今年都係我既好幫手......佢要負責將一地都係既玩具收拾番去玩具箱, 同佢一輪努力之下, 終於見番個客廳喇 !!!

最後年廿九, 成屋地板大清洗就大功告成 loo~~

清潔完就開始貼揮春.....今年唔係好睇啱D揮春, 只係簡單買左兩張貼大門口...反而妹頭係學校做既小揮春好可愛, 雖然簡單但我好喜歡呀, 貼左係廳度開心吓 !!



我好鍾意呢個掛飾呀~~




貼完揮春係放全盒.....呢個重任交俾妹頭 !! 清潔期間不停問我幾時放糖果盒, 佢真係等到頸都長呀 !!!  有得幫手放糖, 勁開心~





一放完就同我講話要食 !!! 因為有咳, 唔俾呀~~



今年我同妹頭一齊 DIY 左少少賀年小食, 有曲奇餅同米通, 獨立包裝, 不含防腐劑, 好健康架!! 哈哈哈哈~  希望試到既朋友會喜歡啦~~

你睇, 妹頭真係有認真幫手架.....



今次唧花都唔錯呀, 滿意 !



完成!!




呢個米通好簡單易做, 不過我覺得甜左...下次有機會再整時一定要減甜先得!!!


 


最後送上妹頭唔知唱咩既賀年歌, 好可愛, 媽媽百聽不厭呀 !! 哈哈~~
arrow
arrow
    全站熱搜

    Elaine 發表在 痞客邦 留言(1) 人氣()

    E-mail轉寄