20媽媽小天地

2012年1月1日, 一朝早貢左出九龍塘, 因為 0811 媽媽組隊參加星島主辦既 Kids Police學警童心!!!

第一次學做交通警, 所有媽媽都很緊張 !!! 先幫小朋友著制服趁機影相........其實小朋友既表情已經話俾我地知 – 都唔知你地係度攪咩 !! 哈哈哈哈~

穿好制服, 就一個個搭膊頭準備入學堂喇..............

學堂全程封閉, 一個鐘既等候時間..........我地只好去又一城嘆個早餐先返黎~



小朋友未出黎, 我地呢班緊張大師自己影番張相先~~

訓練完小朋友出來時............制服加左外套, 加左 cap 帽, 超可愛!!! 個個父母都超級緊張, 要涉個靚位影自己位王子 / 公主 !!

訓練既 Terry sir 會問兩條問題

1)    做交通警要先做幾多年警察 ?  小朋友會舉起手指答 3 年.

2)    叫ｄ車停要做咩手勢?  小朋友就會分開雙手做停車姿勢.

就係咁喇~


要教三歲既小朋友出黎識答, 我估導師係訓練時都重複左好幾次! 哈哈~

原先一個個上左台要派畢業証書同銀雞 (BB)….不過呢班3歲太細, 個個小朋友見到父母都亂行了, 好攪笑!!  証書唯有落台先攞喇~



大家已經行到亂晒龍 loo~


Terry sir 只好派銀雞 BB.....


齊齊吹~~ BBBBBBBBBB....

而我地最重要, 就梗係趁佢地咁有型既時候同佢地影番張靚相啦~~

超可愛既一班小學警~




p.s.: 同妹頭影影吓相, 忽然覺得佢好似我著 U 既樣, 好奇妙呀 !!!!!!

似嗎 ?!