20媽媽小天地

先定日子11月12-13日, 然後開始格價...問過好多唔同既配搭, 散book 啦, 買 package 啦, 原先以為中旅社最平, 格格下原來最化算係新華......嘩, 我都變左至抵精明眼喇 !!!

因為有好幾個小朋友, 我事前上網搵定晒有關既資料, 定好時間表...等自己同大家都可以玩得安心又放心 !! 我地呢個行程主要係三大部份: 第一日既歡樂世界, 大馬戲, 同第二日既動物園 !! 睇落好似好簡單, 但長隆地方太大, 玩完我地大人同細路都超攰 !!

我地Day1 朝早搭巴士上, 原先怕車程太耐而考慮過搭直通火車或船, 不過睇黎睇去都好似巴士方便d....結果比我想像中好, 我地約三個小時已到達酒店, Good !! 因為爭取 upgrade 去新翼酒店, 係 check-in counter 攪左好一段時間, 同時叫其他媽媽去訂定蛋糕晚上開party 用......攞房後拿拿聲放低行李就去食野喇 !! 幸好野食好快到, 又可能大家都肚餓, 一輪狂風掃落葉....好快就攪掂個 lunch 急不及待要去玩 loo~~

幾個小女孩操兵去.....Haaahaaa~

歡樂世界係酒店隔離, 好近..只須行 5-10分鐘度, 去到差唔多 3點, 啱啱好睇巡遊 !! 大陸版本既巡遊, 當然無迪迪尼個d咁靘啦, 不過對於3歲既小朋友, OK 啦~~ 睇完巡遊, 開始玩唔同既機動遊戲, 雖然有d有高度限制, 不過呢度都幾多小遊戲啱佢地架, 而妹頭就最鍾情坐旋轉木馬......大家都現得好開心, 如果有多d時間我諗呢班小鬼都唔想走住....哈哈~



伐木 show.....emmm OK 啦~~


所有機動遊戲大肚婆免問....只好由爸爸陪啦~~



wow~~~ 睇到佢地玩都開心呀 !!


旋轉木馬  -  玩左兩次呀~

四個小妹妹比較定.....

唱完歌大家都掙住要吹蠟燭呀~~

Yeah~~ 我地三歲喇 !!!

每個小朋友一人一刀切吓蛋糕.......