成日都好想去旅行.......真係身痕!! 今次攞左兩,三日假加埋佛誕去左五日北京......我自己好多年前同D同學仔柴娃娃去過一次, 都有成十年喇....而貴爸就未去過, 所以近近地揀左北京 !!
我地 book package 時都唔醒起....到臨出發先知道原來 cover 左母親節, 無同黃媽慶祝, 真係大頭蝦 !!
呢幾日北京天氣都好好, 係第三日下晝落雨, 整體天氣都唔錯呀 !!
6 May 2011 Fri Day 1
今朝我地搭10:30 既飛機到北京, 約三個鐘既機程....妹頭到臨尾先黎瞓覺, 都好, 瞓醒下晝有精神玩, 不過媽媽就唔多好喇....因尋晚執行李執得太夜 (其實執完仲唔走去瞓, 仲去上網, 抵呀 !!), 超眼瞓, 成個人都吽吽地, 個腦轉得好慢!! 落機拎埋行李我地就搭地鐵去酒店.
<--機場 check in 中
<--話咁快就到喇~
兵馬俑 ?! 機場的擺設呀~
原先諗住去天壇, 但 check in 完放低晒野都已經4點, 太趕喇 ! 我地決定先沖個涼, 休息吓, 再去搵野食 !
第一晚梗係要食餐好既! 我地搭地鐵去大董烤鴨店, 六點左右, 一心諗住早D無咁多人, 點知.......應該係太出名, 呢個鐘數竟然要攞籌排隊 !?!
地點係當南新倉.....門口有呢個大大既噴水池, 很易認
一等等左45分鐘先有得入, 幸好等位時佢有地方俾你飲野食糖, 免費的....當然呢D小數目佢地一早已計左係食物度啦 !!
汽水餐酒....免費的 !! 看見一隻隻肥鴨嗎 ?!
!
咁大本 menu........睇吓食咩好先~
呢餐, 烤鴨真的幾好食架, 但其他就好睇唔係好好食, 可能不太對胃口 !! 我反而好欣賞佢地"免費"既果盤同甜品......不過我好相信呢D費用其實都已經包左~
上係水精鴨肝....好滑都幾好味, 不過一件起兩件止. 太多好膩 !! 下係北京宮廷四小點....樣靚但味太甜 !!
上係玉子加 XO 醬, 好味呀!! 下面叫小米飯, 細細粒好乾身, 唔識欣賞, 難食 !!
師傅手起刀落, 好快片起成隻鴨~
好味的北京填鴨.....呢個份量可以四個人食呀 !
大小姐食得幾有型~
免費的鴨骨湯, 好飲 !
食飽後坐唔定的妹頭.....開始落地玩 + 去厠所 + 周圍走~
<-- 你賣廣告嗎 ?!
<--免費但好好味的甜品: 馬蹄冰
果盤又係免費........其實已包左喇, 傻人 !
留言列表