20媽媽小天地

剛個星期日我地一早帶埋妹頭去維園行花市, 感受吓D新年氣氛 !! 日頭同夜晚既花市真的是兩個世界, 我地約11點去到, 唔係好多人, 可以好從容咁行, 去每個攤檔睇睇賣D咩東東 !!  以前只係夜晚去, 得個迫字, 完全睇唔到賣咩野!! 真係後生先有咁既魄力去迫餐懞 !?!

妹頭, 睇吓幾多桔仔~~

今年既兔產品都好可愛, 不過價錢真的比以往貴左 !! 我地志在睇吓, 無特別想買D咩, 為滿足妹頭, 買既都係食既野居多 !! (又係食 !!)

自己走左去睇輕氣球.....妹頭, 你等埋我先得架!!

點解虎年有長頸鹿, 兔年又有長頸鹿既 ?!?

噢! 小朋友梳化啊~~

我要坐個細既~~~

哎呀~~~~~~~~~~~

我地行到1 點到就走人去食野 !! 呢個時間可能D人飲完茶黎行, 開始多人 !! 我覺得個時間安排得幾好, 可以俾妹頭體驗吓, 又可以滿足媽媽 shopping 心態, 一舉兩得!! 哈哈~

我買左呢個衣夾, 諗住夾妹頭D襪仔, 底褲仔...點知佢要攞出黎玩~~

駛咩輕氣球丫, 衣夾都可以好開心 !!

叫媽媽攞, 係咪整估我 ?!?

維園花市, 下年再見喇~~