原來要一手一腳攪個生日真的唔容易 !! 能夠遇到同年同月同日生既朋友仔我覺得係件好好好奇妙既事.....所以希望可以為呢班小朋友開個小小生日會一齊慶祝 !! 特意一早問定各位媽媽擋期, book 定11月14日慶祝 !!

 

我地一共有8 個小壽星 (雖然晴晴唔係1103, 不過都好歡迎你一齊玩呀 !!), 加埋爸爸媽咪同小哥哥姊姊, 雖然人唔係好多, 不過原來攪個party都有好多野要準備呢 !! 我無攪 party經驗, 一開始真的有d不知所操~~

 

小壽星: 琛琛, 晴晴, Chloe, 珏瑧, Ryan, 包包, 妹頭, Sophia

 


 

首先頭痛既係搵地方, 上網搵過好多地方, 其實有好多都幾好, 不過book場地加另外訂野食, 價錢就唔係好化算喇 !! 因為唔係得自己一個攪, 所以都要兼顧期他家庭, 價錢唔可以太貴 !! 諗吓度吓, 好似樓上 Cafe 比較大眾化 !!  一黎有地方, 二黎唔駛再煩食物!!  之不過 Coffee shop 簡直多如繁星.....要搵間啱既都要 check 好多資料同 site visit (諗諗吓好似以前同班仔攪 Camp 一樣 !! )  最尾揀定位於旺角既 Cafe Resouces, 地方適合我地廿幾人, 菜單 OK, 老細亦好人......落實左地方個人都安心D !!

 


 

跟住為小朋友準備禮物....因為 budget 唔多, 原先諗住係淘寶到睇吓, 不過太多都唔係好識睇 !! 最後決定親身落去深水埗既玩具街搵吓 (北河街, 福榮街), 嘩, 玩具勁平, 大有收獲呀 !!

 

跟住既都比較簡單, 訂蛋糕啦, 裝飾佈置用品啦, 小零食啦......

 

四磅蛋糕太多, 可能三磅半會好 D !!


 


 


 

 <--可以切蛋糕喇~~

 

最後係做D有紀念價值既野.......呢個比較頭痛, 都諗左好幾晚 !!  我之前問左各位媽咪攞左小朋友既一幅相, 最尾決定做張咭, 每個小朋友個張都唔同架, 又可以放起佢當相架用, 我自己都好鍾意呢~~

 

前面.....


 

背面......


 

呢個 party 雖然簡單, 但可以俾大家一齊玩吓聚吓, 好開心呀 !!!  1115 小朋友, 我地要多D 聚會呀 !!

 

仲有就係非常多謝 CK叔叔義務幫我地影相呢~~~  Big Kisssss~~

 

要八個小朋友排排企真的唔容易呀 !!


 

我好鍾意呢由幅相, 妹頭笑得好開心~~

arrow
arrow
    全站熱搜

    Elaine 發表在 痞客邦 留言(0) 人氣()

    E-mail轉寄