close
19 Oct 2010 < Tue > Day 6: 有馬溫泉 à 神戶花烏園
呢日我地朝早起身去三大名泉之一既有馬溫泉, 原本搭旅遊巴大約一個小時, 點知路上塞車, 搭左足足一個鐘零50分鐘, 死未?!? 去到有馬, 目標係金之湯, 路線好簡單, 好易就搵到!!
妹頭先飲D泉水補補身先~~
我地放低行李係locker, 就同爸爸分頭去浸溫泉喇~~
可能做左媽媽, 人比較大膽…..要赤裸裸都唔怕, 最緊要顧住我個女!! 入到浴場, 好熱啊!! 先同妹頭簡單沖個涼就去浸…泉水熱辣辣, 佢梗係唔會落水啦!! 佢係度玩D盤, 呢度筆下個度筆吓, 又撩吓D婆婆玩, 好攪笑!! 男女湯只係一牆之隔, 連爸爸都聽到我係度不停叫 "喂, 返黎呀!!" 唉, 做人阿媽就係咁……..
<--其中一個泉眼
係有馬行個圈, 食件神戶牛, 好香好好味呀!! 跟住去左有馬食堂度開餐, 食飽飽先!
下晝原先無咩行程, 貴爸爸睇到 leaflet 見神戶既鳥花園好靚, 就決定去睇吓!! 好似好近, 但係無直接車, 變左車程都幾遠, 不過去到就好值得喇…因為真係好靚呀!!
<--很有型啊~~
好多好多唔同既花.........勁靚 !!
天花板同周圍都種滿花, 係個度食 lunch一定好正!! 另外仲有唔同既雀鳥俾你近距離接觸, 好好玩!! 呢個地方好啱小朋友啊~~
<--唔同顏色既蓮花...
大到可以企小朋友既荷葉.......
<--呢幾隻小鸚鵡好可愛~~
<--大嘴鳥呀~~
仲可以玩餵生果, 好得意 !!
<--我地都係猫頭鷹.....
餵鴨仔好好玩....呢個溏養左勁多鴨同魚!!
夜晚我地返梅田食晚餐, 無咩 idea, 去Hep Five簡單搵間餐廳食石頭窩飯. 今晚早D返酒店執行李!!
全站熱搜
留言列表
飲飲食食 (2)