close
18 Oct 2010 Day 5: 黑門市場 à 奈良神鹿公園
我地沿路行去東大寺,有人鹿掙路既情況, 好攪笑!!
東大寺.....好多人入內參拜呀~<--很有型...影得好有西藏 feel...
你睇D鹿多到.....?!?!
跟住向春日大社方向進發,幸好唔係隻隻都肚餓!! 有好多都係好悠閒咁係草地食草休息!! 入春日大社最攞命既地方就條個條碎石路, 妹頭瞓著係BB車, 我地就有D似拖牛上樹, 真係好難行, 400m 好似行左4公里一樣!! 死未!!
春日大社呢D燈好出名.....
金色靚好多呢 !!
<--一排排應是節日用既路燈
離開大社走若草山方向,不走碎石回頭路!! 反而見到山上悠閒既鹿群, 好舒服!!
<--Sweet Sweet~~~
難得見到點點秋意既紅葉..........
今晚返難波食大阪燒,番叮八爪魚丸,再食埋金龍拉麵!!
<--原來小伙子是中國留學生, 很利害呢~~
很大個的大阪燒....
呢檔好多人排隊架~~
唔講唔知,原來金龍拉麵只有叉燒拉麵同加叉燒既叉燒拉麵兩款,無其他喇!! 點解金龍拉麵咁出名 ?!? 我諗係廣告既利害啦,不過個湯底係幾好飲喎!!
全站熱搜
留言列表