close
18 Oct 2010 Day 5: 黑門市場 à 奈良神鹿公園
朝早先坐地鐵去黑門市場行吓, 呢個係日本人既街市, 有好多生果鋪同鮮魚檔, 七彩繽紛既生果好醒神呀 !!
有幾檔賣雞泡魚...
我都未見過呢D生果~~
我地買左最平既巨峰提子 (其他貴好幾倍架~~), 可能因為有核同無咁甜, 反而仲好, 因我最驚甜到漏既巨峰!!
之前上網見人話豆乳好飲, 我都唔執輸買支黎試吓.............嘩, 真係好 "豆" 啊!! 原來係純味無糖, 豆味真的勁濃, 不過唔係好啱我地口味, 妹頭飲左兩啖都推開我唔要喇 !!
<--飲橙汁好過~~
離開黑門, 我地搭近鐵去奈良搵鹿仔 !! 係奈良食個 lunch....價錢比大阪同京都平好多喎~~
係奈良公園有好多鹿仔呀，令人好興奮!!
公園出面環境都好靚~~
我都有帶麵包餵白鴒呀....
<--妹頭叻, 識望鏡頭笑~~
小心鹿出沒注意呀~~
妹頭: 鹿仔, 你咪行埋黎呀~~
周圍都有賣鹿餅既鋪仔或車仔，Ｄ鹿一見我地買左鹿餅，即刻圍埋黎...........好驚呀!!
Ｄ鹿應該成日都有人餵佢地架啦，點解仲咁肚餓既呢?!? 佢地圍住你搶食, 好狼死的 !! 未食到就咬你件衫叫你俾佢, 有隻仲頂我個肚...........再講一次，真係好驚呀!!
你睇妹頭個樣幾驚~~
慌張餵鹿記~
全站熱搜
留言列表
飲飲食食 (2)