歲半的小朋友是會特別扭計的嗎 ? 還是現在先慢慢開始佢既真本性 ?!?
近牌我發現妹頭越來越容易扭計, 一唔合佢心意就兩眼水汪汪, 哇哇大哭起黎.......試過唔理佢, 佢就喊到你肯為止 !!! 妹頭, 點解咁唔乖 ?!? 我懷疑佢知道到眼淚攻勢行得通.......呢個妹頭其實很古惑 !!! 唔知平時係咪咁蝦爺爺嫲嫲....等我調查吓!!
而家有時佢扭計要攞d咩東東, 我地唔俾, 佢就即喊.....都唔明點解可以咁易喊, 不過滿足到佢就好快停.....只係個兩行鼻涕仲流緊 !!! 媽媽我比較硬心腸, 唔啱或唔應該俾既野, 我就會比較堅持.......對付呢個妹頭, 我會用另外d 野去引開佢, 因為小朋友記憶力短, 好快唔記得自己扭d 咩......不過答應左既野, 例如俾餅乾, 就一定要做喇....餵食妹頭呢方面好記得 !!!
相信妹頭都有在長大....慢慢明白對與錯. 近幾次我話佢做錯了....佢會唔開心低頭唔出聲, 還會慢慢喊出來. 呢種喊同佢平時扭計個種喊唔同, 我就知佢知道自己做錯了!!! 我當然就給她一個"愛的抱抱", 等佢有番安全感 !!
我覺得妹頭本性都是一個小霸王, 好時真的好可愛, 不過惡時脾氣一d都唔細.....真的要好小心教佢 !! 妹頭, 你要做個人見人愛既好孩子啊 !!
全站熱搜
留言列表
飲飲食食 (2)