牛牛樂園－20媽媽小天地

尋日同妹頭在滂沱大雨里郊遊 !!

話說很早之前貴爸爸透過公司報名, 參加了"牛牛樂園香港一日遊", 我地都很期待可以帶妹頭去睇睇乳牛......我聯想到很有趣的畫面, 還特別帶埋大機諗住幫妹頭同牛牛影相........點知...........現實往往同理想差太遠 !!!!

集合地點係旺角, 先貢車入沙頭角既牛牛樂園 !! 原來牛牛樂園係康寧牛奶既出產地....康寧牛奶, 你聽過未 ? 我就未聽過亦未飲過喇 !!

因為落過雨既關係, 雖然當時有太陽....不過勁多蚊 !! 拿拿聲貼上蚊貼, 不過d蚊餓左咁耐, 見到肥肉在前仲唔咬番兩啖?!? 妹頭手碗被咬一粒.....我就慘啦..兩隻腳勁痕 !!! 至於牛牛....係有幾隻...可以餵佢地食草都幾有趣.....不過還是與我腦海里既牛棚差太遠 !!!! 可能睇得電視太多........

遺一可取既係...有新鮮牛奶飲, 又真的幾好味 !! 呢次係妹頭第一次飲鮮奶呢 !! 不過如果大家未去過....我都不建議....除非你的皮好韌及超鍾意牛........

飲杯 Cheers~~

臨走前再飲支鮮奶~~

第二站, 貢了去元朗既壽桃牌鮑魚麵廠.....每人送了一個撈麵 !! 原來壽桃牌有好多款唔同既麵 / 粉, 不過我地對鮑魚麵 / 蝦子麵都無興趣 !!! 呢度買既價錢相對較平, 其他團友就梗係大包細包咁入貨啦 !! 妹頭約周公, 我地就純粹係度嘆冷氣 !!

離開壽桃牌, 就起程去西貢食 lunch !! 雖然係團餐, 不過有扇貝有蟹, 又可配合妹頭食飯, 都 OK 喎 !!

食飯前後就開始落起大雨喇....係勁大個隻, 起勢咁落 !! 下晝既行程留係西貢, 先係市中心既紙船公園......如果可以俾妹頭行吓都幾好, 可惜落起豪雨, 大家都厘係有額遮頭既地方.....

軟雪糕.....Yumi !!!!!!

大雨無阻我地既行程 !!! 雷雨警告下我地前往海下灣......不過天公都算幫我地.....我地係車或室內就大雨, 落車時係停雨, 都算係咁了 !! 我地係海下灣既沙灘留左一陣間, 影吓相, 雖然天色唔好, 不過望住個海好平靜好舒服 !!

回程路上加了小插曲......因為太大雨, 條路都水浸, 山邊 D 流水有 D 大到好似瀑布咁 (其實都幾好睇 !! 哈哈 !!), 我地架旅遊巴行行吓竟然死火 !! 嘩 !! 唔係呱 ?!? 唔通要出動消防 ?!? 司機叔叔都即時打電話搵救兵....幸好試多幾次都終於撻番著部車, 可以順利返屋企....全車人都在歡呼呀 !!! 雖然咁諗衰d....不過我覺得如果唔構成危檢, 有時呢類突發野都幾有趣 !!