第六站: 聖托里尼 Santorini - 最美的日落 Oia－20媽媽小天地

4月1日, Day 12

今日 book 左 local tour 一日既火山船河遊 !! 朝早 10:30 到下午 4:30, 路線先到出名既尼亞,卡梅尼火山 --> 硫磺泉 "Hot spring" --> 小島 Thirassia 用餐 --> Oia --> 回Thira Port. 我地一朝早由酒店"落山"到港口, 先做 25 mins exercise warm up 吓, 船上大概有 40 人, 包括我地既青年朋友.

第一站尼亞,卡梅尼火山, 聽講而家仲係座"活火山", 我地跟住領隊行山, 一路都係黑色的火山岩同火山灰, 好得意 !! 上到山仲有冒緊煙同有淡淡硫磺味既"火山洞", 好利害 !! 跟住上船就去出名既硫磺泉, 話 Hot spring 其實一D 都唔Hot, 暖暖既泉水 Max 只有 25 度, 有點令人打冷震!! 10 多位團友準備游到"溫泉區", 因為船離泉水有段距離, 團友要游一段"冷水"先到 !! 一個個跳落水都 we wa 鬼叫, 大叫 "freezing", 我地呢 D 留係船上睇既都哈哈大笑 !!

做左運動, 我地再到附近小島用餐, 對住大海, 食左好味既海鮮, 餐廳呢個時候做獨市生意, 價錢有點貴, 不過無所謂啦!!

食完晏晒下太陽, 瞓個午覺, 好嘆!!! 大概 3:30 pm, 我地起程到 Oia. Oia 係個小town, 我地選擇係度落船, 唔跟船返 Thira 港 !! 我地落船要行好多樓梯上山, 又係"exercise", 好 tired, 腳都軟埋 !! 上到山係天堂, 又係好靚既小屋, 仲有藍白頂教堂, 因為仲係 winter time, 周圍都好寧靜!!

大家上到山都身水身汗, 一齊搵間 coffee shop, 飲杯 cold drink, hea 個下午!! 今日既天氣真係好好, 陽光普照, 人都精神D!! Oia 地方好細, 但小屋同店鋪都好精緻, 相信夏天一定好熱鬧!! 我地周圍逛, 搵到個靚位, 有風車, 有教堂, 面對大海, 就係度等呢個號稱"愛琴海最美既日落"!!!