20媽媽小天地

5月21日個星期六, 我地貢左去大圍聚龍居個 club house…參加 0811 媽媽攪既 party !! 今次個 party 有主題架, 就係要男扮女裝, 女扮男裝既易服派對 !!

三個似男孩的女孩.....

我覺得呢個 party其實最開心既係父母囉……見到大家小寶貝既新look 都真係忍唔住要爆笑 !! 哈哈哈哈~  同埋最緊要既係…..小朋友而家咁細個先肯俾我地咁整古, 到佢地大dd就真係唔肯咁玩喇~

性感的琛琛.....

一去到小朋友玩吓, 食吓野, 父母就梗係忙住影相, 吹水......

妹頭同珏臻做孖寶兄弟.......

呢個配搭........超攪笑 !!

一人一隻雞亦...食得津津有味~

食完野…..媽媽們放好兩張枱就俾小朋友係上面行 cat walk….好好笑, 但又行得有文有路 !!

BBBB~~ Cat walk 開始喇~~

大家識唔識分男同女 ?!

今次幫妹頭做個板仔 look 既造型, 問陳師奶借左件男仔 T….加條短褲, 帶頂 cap 帽, 當堂變左男孩子 !!

最後每人有支小小水槍….大家有得玩水即刻顛左, 個個都頭濕臉濕變左落湯雞 !! 我地大人睇到佢地玩都覺得勁開心.....不過攞相機既都紛紛行開, 以免殃及池魚......