第七站: Myknonos 米克諾斯島－20媽媽小天地

4月3日, Day 14

落左一整晚既雨, 今日出猛太陽!! 正!! 先 check out, 放低行李, 就到市中心四圍逛. 黎到 Santorini, 我地一試"騎驢仔"既芝味!! 最初女士們都好驚, 驢仔"登登下", 我前面個隻有時仲會行行下"線"腳, 嚇到個女仔係咁尖叫!! 但習慣左就好 funny, un un 下騎落山, 好爽 !! 貴老爺做左"白驢王子", 佢隻驢仔唔駛用繩綁住都識自己行, 仲帶頭行, 好攪笑!! 成條山路都有好多"驢仔團", 令條路有好多 "Donkey shit"!! 成地地雷, 好Dirty!! 我地好 hea, 唔覺肚餓, 晏晝搵間舒服既 Coffee shop, 飲杯咖啡食件cake, 睇下書, 寫下野, 一坐就係 2 小時 !! 3 點多返酒店就安排我地去機場 loo~~

Santorini 機場好細, 架機仲細, size 超 Mini, 連空姐位只 total 21 個座位!! 自由坐, 唔需要畫位. 機程只須 20分鐘, 原先 5pm 既機提早左起飛, 我地 5:05pm 已到 Myknons, 好快 !! 因為 Winter time, 無船直接由 Santorini 去 Mykonos (要 Summer 先有), 如果唔係, 相信搭船都要 3-4個鐘.

酒店 Kymata Pension 老板 Andrew 接我地, 介紹 Mykonos 既大概地理位置, 人好 friendly 好 nice !! Mykonos 地方好細, 我地酒店位於 5個大風車附近, 係間小小既藍白屋仔!! 佈置好骨子, 可惜無電視 (雖然有我地都聽唔明!!). Settle down 後我地到風車到影相, 呢度係熱門位, 頗多遊客!! 附近有號稱"迷你水都威尼斯", 小屋起得好近海, 幾寧靜的!! 我地周圍行, 聽講係藍白小屋里面好易迷路, 不過亦係種樂趣喎!!