妹頭一歲半－20媽媽小天地

今天5月15日, 妹頭一歲半喇 !! 真的大得好快好快呢~~

歲半既妹頭, 比同齡既小朋友高.....將來肯定是高妹了 !! 腳板很大.....新年買既新鞋已經唔啱著喇....而家個對好大呀 !! 頭很大.....比起其他小朋友, 妹頭是大頭妹一族...唔知諗野會唔會快D呢?

<--奸笑......

因為高妹, 佢可以自己爬上書枱用既椅按電腦 (係飯椅...已經唔係梳化咁簡單 !!), 我地覺得好利害......不過唔容許佢咁做, 因為實在太危險, 而且唔明點解佢人仔細細可以咁為電腦瘋狂 ?!?

<--好認真的樣子 !!

呢個月成功轉入食飯期.....朝早 7 或 8 安奶, 中午 1 點食粥 / 飯 / 粉...下晝5 點飲6安奶/ 食包 / 蛋糕...晚上 8 點跟我地食飯.....睡前有需要先補奶粉 !! 妹頭配合得唔錯....一D都無唔習慣 !! Good !! 食飯上半場很乖, 可以乖乖坐係度食, 但差不多飽時, 就開始坐唔定, 又玩又企又用手玩飯....真的令人很勞氣 !! 不過睇左這篇"如何餵養幼兒", 明白呢個係一個階段....就可以放輕鬆咁面對喇 ~~

http://www.york.ca/NR/rdonlyres/tvus6c7ui24jog5zhcd6gimrjgohkfowb4bjgtebdoxxi7c5ammc35vepomg4bhzwxoebhlusdjez3fwrnqfshw33d/Feeding+your+toddler+Dec+07+-Traditional+Chinese.pdf

飯後果...

戒片不太有進展.....妹頭抗拒厠板, 我改用 potty....佢比較接受坐係 potty 上...我一見佢有便意就同佢去 poo poo...不過只成功過一次, 仍需努力 !!

<--要俾書佢睇先同我坐耐少少咋 !!

另外, 大個女...開始識討價還價 !! 實例.....媽咪同爸爸在看新聞....妹頭攞住DVD過黎話 "長頸鹿, 睇~~"...示意我地開長頸鹿動物片俾佢睇....我話" 你想睇長頸鹿, 等媽咪睇完新聞先好無?? " 妹頭堅持"長頸鹿~~ 長頸鹿~~", 我話"一陣先啦~~" 點知妹頭話"息左去...." 跟住走去息左電視 !! 個刻真的想爆笑....佢無得睇, 我地都無得睇, 一拍兩散 !! 你話係咪激屎人 ?!?