20媽媽小天地

11月22日至26日, 我地一家三口跟爺爺返左鄉下喇, 地點係位於潮州汕頭之間既小鎮庵埠.....係觀塘有直通己巴士到達, 須時 6 個多小時. 好彩之前有帶過妹頭出門, 這次潮州妹返鄉之旅可算很輕鬆 !! 

貴爸爸都好多年無返過鄉下了, 佢話地方變左好多好多, 多左好多時裝既店舖, 感覺很麼登很現代的, 一點都唔"鄉下"!!  不過最唔慣就係無論闊或者窄既路，都有好多單車同電單車，唔小心真係好容易撞倒啊 !!我諗呢個仔係普遍大陸地方都有既問題 !! 呢次返去, 主要係參與農曆十月初九 (即11月25日)許氐家族一年一度祭祖既大日子....所有親戚都聚首一堂，好熱鬧 !!

潮州妹第一次返鄉下，大家見到呢個小妹妹都好鐘意，臉圓圓眼大大，個個都要抱抱佢 !! 最攪笑係佢識扭 pat pat, 大家一唱歌佢就扭，tum 到人好開心，Ｄ堂姐姐堂哥哥一見到佢就圍住同佢玩，好抵錫呢 !!

呢條片係出發之前係屋企影既.....係鄉下妹頭扭得更自如......

五日既假期，因為唔駛成日抱住妹頭，又唔駛擔心佢既飲食，又有足夠既休息，我覺得係真正既放假，充完電，又可以提起精神努力面對我既工作 loo !!

我地住既地方樓高六層，呢個就係係屋頂望出去既景觀喇 !!

爸爸三姐弟呀~

呢個就係細妹頭五日既堂妹喇，你睇，妹頭高幾多 ?!?

呢張 BB 椅真係好有型 !!

特設既 BB 單車坐位 !!

係市內行吓 hea 吓~

妹頭爺爺既哥哥嫂嫂，真係兒孫滿堂呢 !!

我地仲參觀左汕頭大學，環境好優美呀~~