20媽媽小天地

呢排天氣凍好好瞓, 妹頭日日都可以瞓到好晏先光起身, 不過唔知係咪佢知道呢日有得玩, 一早就起左身喇.....爸爸好媽媽想瞓耐D都唔得.....好啦, 一於就早D出門口啦 !!

呢個月齡既BB最八卦, 好鍾意摷人手袋 !! 你睇佢, 媽媽啱啱先執完, 佢又幫我攞番D野出黎 !!!

<--妹頭, 唔好再攞出黎喇~~

去程途中, 妹頭已經瞓著左.....我地自己影住相先啦~~

 媽媽, 好光呀....

醒左, 我地先睇熊貓.....無論真假熊貓, 妹頭都好有興趣, 又手指指, 好攪笑 !!

妹頭, 呢隻係假架.....

呢隻都係假架喎.......

呢隻係真架, 佢瞓緊覺呀 !!

呢隻都係真架.........不過係披住鱷皮既人呀 !!!

呢幾隻係小熊貓, 好活躍呀 !! 妹頭睇得好開心呀 !!

半個身擒左出欄度喇.....

難得既一張合照......

呢兩張係爸爸影既, 我覺得好得意啊~~

<--兩父女, 妹頭仲咩咁既樣 ?!?

呢對斑馬, 爸爸媽咪以前都有影過架 !! 今次就變左同妹頭 loo~~

我地搭新起既海洋列車, 做到好似潛入海底咁, 3分鐘上到山頂, 真係好快呢 !!

呢次海洋公園之旅, 無玩海盜船, 無玩過山車, 無玩跳樓機, 而係玩小朋友既小小火車, 旋轉木馬, 觀光既海洋麼天輪......真的很特別既第一次 !!!

旋轉木馬 -- BB只可以坐馬車咋, 仲諗住可以同BB坐馬仔 tim.......

海洋麼天輪....好高呀~~~

BB 食完晏仔就搵周公, 我地就開餐同睇呢個海洋劇場 !!

下晝開始落起雨黎....好彩我地都玩得七七八八, 四點多我地就走人喇 !!

夜晚約左家寶姨姨同Pater 叔叔食 beffet, 一齊慶祝生日, 呢兩位1115既壽星女, 真係好有緣份呀 !!!

 <--家寶姨姨, 妹頭祝你健健康康, 青春常駐呀 !!